1 Corintio 10:33 - Tachi Ak'õre Pedea

³³ Ara mãɨ jĩra mɨa oo bɨdepa jõmãɨrã́ pia k'ɨ̃risiapi k'ɨ̃ria bɨma. Mɨt'a pia bai k'oreapuru jɨrɨk'ama, mãɨpari ẽpẽrarã chok'ará pia p'ananamẽrá jɨrɨparima. Mãɨya mɨa oo bɨdepa ãchia Cristode ĩjãanaipɨ Tachi Ak'õrepa k'aripamẽrá.

1 Corintio 10:33 Referans Kwoze

Gálata 1:10

Mãɨya jara bɨdepa mɨa jɨrɨwẽa bɨma ẽpẽrarãpa mɨ pia ununait'a, mãɨpari k'ɨ̃ria bɨma Tachi Ak'õrepuru mɨ pia unuit'a. Cristode ĩjãai naena mɨa jɨrɨ bapachima ẽpẽrarãpa mɨ pia ununait'a. Wapida mãɨya oo bɨpara, mɨ Cristo pae pari mimiaparí paiwẽ pasima.

1 Corintio 10:24

Abaɨ pida ara ichi pia bai k'orea jɨrɨ baiwẽa bɨma, mãɨpari waapẽarã pia p'ananamẽrá jɨrɨ bai bɨma.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

Romano 12:5

Ara mãɨ jĩra tachi chok'ará p'anɨmina, Cristo ome p'anɨ pẽra k'ak'ua aba bɨ jĩra p'anɨma. Mãɨya tachi jõmãɨrã k'ak'ua abaɨde ará p'anɨma.

1 Corintio 13:5

Chi waapẽarã k'ɨ̃ria uru bɨpa waapẽarã paara pia bai bɨma ẽpẽerãpa mãɨya pia oopataɨ jĩra, mãɨ ichi paepuru k'ɨ̃risiak'ama, ichi k'ɨ̃ria k'ĩruuk'ama, waapẽarãpa ichi piawẽa ooda k'ɨ̃risia atuaparima.

2 Corintio 12:14

Mɨ mãramá wãi k'orea bɨma. Nãɨpa bari k'ak'o ũpea paipɨ. Maamina mɨa idiwẽma mãrapa k'aripadamẽrá. Mãrapa uru be jɨrɨ bɨwẽma, mãɨpari mãrat'u k'ɨ̃ria bɨma. Warra chak'erãpa ne yaadak'ama ãchi ak'õrea mãɨnepa naea ne teadai k'orea, mãɨpari chi ak'õrerãpa ne yaapatama ãchi warrarã́ teadai k'orea.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.