1 Corintio 10:15 - Tachi Ak'õre Pedea

¹⁵ Mɨa mãrá pedearuma k'ɨ̃risia k'awa berã́ pedearu jĩra. Minachia k'ɨ̃risiat'ɨ mɨa jara bɨt'a piarã wa sea k'awadai k'orea.

1 Corintio 10:15 Referans Kwoze

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

1 Corintio 8:1

Naapae mɨa jararuma chi juapa oodada sãdorã́ ne k'iuru paa teada k'orea. Mãrapa jarapatama ara mãɨnepa k'ɨ̃risia k'awa p'anɨane apatama. Maamina chi k'ɨ̃risia k'awapa tachi waapẽarã k'aepẽra atepe p'anɨ jĩra k'ɨ̃risiapiparima. Tachia waapẽarã k'ɨ̃ria p'anɨnepa, ãchi k'aripapatama.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 11:13

Mãramá, ¿pia bɨk'ãra wẽrapa chi porode jɨ̃parí jɨ̃wẽa Tachi Ak'õrea ɨt'aa chiidii? Minachia k'ɨ̃risiat'ɨ pia bɨ k'awadai k'orea.

1 Corintio 6:5

Mɨa mãɨ jara bɨma mãra p'eradamẽrá. ¿Mãra t'ãena k'ɨ̃risia k'awa bɨ aba pida newẽk'ãra ũpẽarã nepɨrade p'anɨrã́ pia pedeapii k'orea?

1 Corintio 4:10

Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

1 Corintio 10:14

Mãɨpuru mɨ ũpẽarã mɨa k'ɨ̃ria bɨma chi juapa oodada sãdo itu bɨt'ɨ.

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.