1 Corintio 10:13 - Tachi Ak'õre Pedea

¹³ Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

1 Corintio 10:13 Referans Kwoze

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

2 Timoteo 4:18

Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

Hebreo 12:4

Mãra nemietá ome chõo p'anɨmina wapida mãra peadawẽa p'anɨma Jesú peadada jĩra.

1 Tesalonicense 5:24

Chi mãra T'ɨ̃napa jõma mãɨya ooipɨ ichia jarada jĩra.

Luca 22:46

Mãɨ k'orea ãchiá jarasima: —¿K'ãre k'orea mãra k'ãi p'anɨma? P'irabaridak'ari Tachi Ak'õrea ɨt'aa chiidit'ɨ machia nemietá ooit'a k'ɨ̃risiadaipɨra, ichia machi k'aripamẽrá.

2 Corintio 1:10

Ichia tai peadai pada k'aripasima mãɨnepa mãicha peadai k'ɨ̃risiasidara k'aripaipɨ. Taipa piarã ĩjãa p'anɨma ichia tai peadai pada k'aripa bait'a.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

1 Pedro 4:19

Mãɨ k'orea Tachi Ak'õrepa k'ɨ̃ria bɨ jĩra minachia mĩa p'anɨpa ara ãchi ichi juade bɨdak'ari nepia oodai p'anɨma. Tachi Oodade ĩjãanai p'anɨma, ichia jara bɨ jĩra oopari pẽra.

1 Juan 1:9

Tachi Ak'õrepa jara bɨ jĩra oopari pẽra mãɨnepa jĩp'a oopari pẽra, tachia nemietá oodada ichiá jaradaipɨra, mãɨ nemietá k'ɨ̃risia atuaipɨ. Jõma piawẽa oodada sɨɨipɨ.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

Hebreo 11:11

Abrahán chõa baside, chi k'ima Sara warra t'õk'a pasimina, Abrahanpa ĩjãasima Tachi Ak'õrepa ichiá warra unupiit'a. Tachi Ak'õrepa jararut'a piarã mãɨya ooparit'a ĩjãana pẽra warra unusima.

Hebreo 10:23

Tachi Ak'õre pedea auda pẽra tachia nɨ p'anɨt'a mãɨnepa mãɨ k'orea ãareaɨrã́ jara p'anɨt'a mi ãpia pida k'ẽet'aadaiwẽa p'anɨma.

Luca 11:4

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra. Tai nemietaade baepirãse, mãɨpari k'achiadepema k'aripase”.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

Apocalipsi 19:11

Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Luca 16:26

Mãɨ awara edá uria minachia bɨ tachi esa bɨma. Mãɨpuru mãramá wã k'ɨ̃ria berã p'ue wãnaiwẽma. Ichiaba jãmãɨpa abaɨ pida p'ue taimá chedaiwẽma”.

Hecho 27:44

Chi waapẽarã p'ãp'orrode ne beada wa pak'urude ɨ̃rɨ ũu wãpisima. Mãɨya ãareaɨrã tuá pia jõnawẽa wãsidama.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]