1 Corintio 1:7 - Tachi Ak'õre Pedea

⁷ Mãrapa Tachi Chipari Jesucristo ununai k'orea nɨ p'anɨmisa, Tachi Ak'õrepa ichi Jaoredepa tea bɨt'a jõma uru p'anɨma.

1 Corintio 1:7 Referans Kwoze

P'ilipense 3:20

Maamina tachi pajãnepemarãpɨ. Tachi K'aripaparí mãmãɨpa cheit'a nɨ p'anɨma. Ichi Tachi Chipari Jesucristopɨ.

2 Pedro 3:12

Tachi Ak'õrepa ɨtɨai ewari piarã nɨ p'anɨmisa Tachi Ak'õrepa k'ɨ̃ria bɨ oo p'anat'ɨ mãɨ ewari isapea pamẽrá. Mãɨ ewaride Tachi Ak'õrepa pajã paaipɨ. Mãɨne nejõma tachia pajãne unupataɨ mãɨnepa nãɨ ĩjũane unupataɨ t'ɨpɨ taupa torbariipɨ.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

Luca 17:30

»Mɨ, chi Ẽpẽra Warra cheru ewaride ara mãɨ jĩra mãɨyaipɨ.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

1 Pedro 1:13

Mãɨpuru k'ɨ̃risia k'awaa p'anɨnepa p'anat'ɨ, pia oodai k'orea. K'ĩra jĩp'a p'anat'ɨ. Sẽnawẽa nɨ p'anat'ɨ Jesucristo unuuta ewaride Tachi Ak'õrepa ichi sõpiadepa mãrá nepia teamẽrá.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

Mateo 25:1

»Pajãne Bɨpa ichidirã ichi juade ua bɨt'a nãɨ jĩra baipɨ: ãwẽrarã diez p'anasidama. Ãchicha ĩpira atadak'ari, k'ĩramá nɨne wãsidama chi ɨmɨk'ĩra miak'ãii bɨ ome ununai k'orea.

2 Corintio 12:13

¿Mɨa k'ãrenepa mãra piawẽa oosima p'uuru awaraɨdepema ũpẽarã k'aepẽra? ¿Abapuru mɨa mãra juadepema ne idiwẽ pẽra mãɨya k'ɨ̃risia p'anɨk'ãra? Mãɨya bɨpɨra ¡mãɨ piawẽa ooda mɨ chupuria k'ɨ̃risia atuat'ɨ!

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.