1 Corintio 1:29 - Tachi Ak'õre Pedea

²⁹ Mãɨpuru abaɨ pida ara ichi k'orea Tachi Ak'õre k'ĩrari p'ue pia pedeawẽma.

1 Corintio 1:29 Referans Kwoze

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

Ep'esio 2:9

Mãrapa pia oo p'anɨ k'orea Tachi Ak'õrepa k'aripaé pasima. Mãɨya mi ãpia pida ara tachi k'orea p'ue pia pedeadaiwẽma.

1 Corintio 4:7

¿K'aipa pɨ waapẽarã k'aepẽra atepe pia bɨsima? Tachi Ak'õrepa teada awara ¿pɨa k'ãre uru bɨma? Pɨa Tachi Ak'õrenepa nejõma jitadapɨra, ¿k'ãre k'orea ara pɨchi tuaba jitada jĩra pedea bɨma?

1 Corintio 1:31

Mãɨpuru Tachi Ak'õre pedeade nãɨya bɨ bɨ jĩra tachia oodai p'anɨma: «Abaɨpa ara ichi k'orea pia pedeaipɨra, Tachi Chipari k'orea pia pedeai bɨma».

Romano 15:17

Jesucristo ome bɨ pẽra mɨa Tachi Ak'õre pae oo bɨ k'orea minachia arapá bɨma.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

1 Corintio 5:6

Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.

Romano 4:2

Abrahanpa ne oo bɨdepa Tachi Ak'õrepa mãɨ chi ichidirã jĩp'a berã paara bɨdapara, ara ichi k'orea p'ue pia pedeai pasima. Maamina piarã Tachi Ak'õre k'ĩrari p'ue pia pedeaiwẽ pasima.