1 Corintio 1:27 - Tachi Ak'õre Pedea

²⁷ Mãɨpuru chi k'ɨ̃risia k'awaa berãmá mãra ne atua bepɨ. Maamina Tachi Ak'õrepa chi ne atua berã jɨrɨ atasima mãɨ k'ɨ̃risia k'awaa berã p'eradamẽrá. Tachi Ak'õrepa chi jua chaareawẽa berã jɨrɨ atasima mãɨ jua chaarea berã p'eradamẽrá.

1 Corintio 1:27 Referans Kwoze

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

1 Corintio 1:20

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

Luca 21:15

Mɨapuru mãrá k'ɨ̃risia teaipɨ pia pedeadamẽrá. Mãɨpuru mãrapa jarautat'a mãra unuemaa p'anɨpa mi ãpia pida p'ue k'achia pedeadaiwẽma.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

Mateo 21:16

Ãchia Jesua nãɨya jarasidama: —¿Mãɨyara nãɨ warrarãpa jara p'anɨt'a pɨa ũri bɨk'ãra? Jesupa p'anoosima: —Ãjã. ¿Mãrapa nãɨ pedea eda jaradawẽa p'anɨk'ãra? “Pɨa warrarã mãɨnepa juto k'ede bɨsima pɨá pia pedeadamẽrá”.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

Mateo 9:9

Jesú mãmãɨpa wãrune ẽpẽra Mateo apataɨ unusima. Mãɨ ẽpẽra chi Romanepema pae erreara jɨrɨp'eparí tede suak'abari basima. Jesupa Mateoa jarasima: «Mɨ ome chese». Ara mãɨne Mateo p'irabarik'ari Jesú ome wãsima.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 7:54

»Mãɨ pedea ũrisidaɨde chi judiorã minachia k'awa p'anɨrã Esteban ome minachia k'ĩruutapa ãchi k'ida k'osterrea p'aneesidama.

Hecho 7:35

»Israel ĩjũanepemarãpa Moisé itu bɨsidama. Ichiá nãɨya jarasidama: “¿K'aipa pɨ tai chipari bɨsima? ¿K'aipa pɨ tai nepɨra ak'ɨparí bɨsima?” Maamina ara mãɨ Moisé Tachi Ak'õrepa Egitodea peesima israel ĩjũanepemarã chi minachia k'awa bɨ bamẽrá mãɨnepa ãchi mãmãɨpa ateewãmẽrá. Moisepa Tachi Ak'õrepa ɨt'aripa peeda chi mãɨ pak'uru jeeda bɨde bada jua chaareadepa mãɨya oosima.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Corintio 2:12

Tachia nãɨ ĩjũanepema k'ɨ̃risiat'a atadaé pasima, mãɨpari Tachi Ak'õre Jaoret'u jitasidama jõma Tachi Ak'õrepa ichi sõpiadepa teada k'awadamẽrá.