1 Corintio 1:14 - Tachi Ak'õre Pedea

¹⁴ Mɨa mãranepema mi aba pida porochoadawẽ pẽra arapá bɨma. Mɨa Crispo mãɨnepa Gayot'u porochoasima.

1 Corintio 1:14 Referans Kwoze

Hecho 18:8

Judiorã ará pedeapataɨ tedepema chi chaarea bɨ Crispo apachidama. Mãɨ Crispopa mãɨnepa ãarea ichidirãpa Tachi Chiparide ĩjãasidama. Mãɨ awara minachia Corinto p'uurudepemarãpa ũrisidama Pablopa Jesú k'orea jaratea bɨt'a. Ĩjãanak'ari porochoasidama.

Romano 16:23

Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.

Ep'esio 5:20

Tachi Chipari Jesucristo t'ɨ̃nepa ewaricha tachi Pajãnepema Ak'õrea nejõma k'orea sõpia bɨade at'ɨ.

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

1 Corintio 14:18

Mɨa Tachi Ak'õrea sõpia bɨade aparima mɨ mãra k'aepẽra tachia ũrinak'apɨ́ pedeade atepe pedeapari pẽra.

1 Corintio 1:4

Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

P'ilemón 1:4

Mɨa Tachi Ak'õrea ɨt'aa chiidirucha sõpia bɨade aparima pɨ k'orea.

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

Hecho 10:48

Maapae Pedropa ãchi Jesucristo t'ɨ̃nepa porochoapisima. Mãɨya nak'ari ãchia chichupuria idisidama ichi ãchi ome tãaraa beemẽrá.

1 Corintio 1:15

Mãɨya abaɨ pida p'ue jaraiwẽma mɨ t'ɨ̃nepa porochoasiade ait'a.