Zekhariah 9:2 - Tedim Bible

² Hadrak tawh a kigizawng Hamath zong, Topa-a’ mah hi a, siamna a nei Taia khuapi le Sidon khuapite zong, ama a’ mah ahi hi.

Tedim Bible Revision 2017

² Hadrak tawh a kigi zawng Hamath zong, Topa-aʼ mah hi a, siamna a nei Taia khuapi le Sidon khuapite zong, ama aʼ mah ahi hi.

Zekhariah 9:2 Referans Kwoze

Ezekiel 28:12

“Mihing ahi Ezekiel aw, Taia kumpipa in a thuak ding tawh kisai-in tamlawh inla, Topa Pasian ahi keima thugen, hih bangin gen in: “Nidang lai-in mi kicing etteh pha khat na hi a, pilna le hoihna tawh a kidim na hi hi.

Jeremiah 49:23

Damaskas khua tawh kisai-in Vanglian Topa in a genin-ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Obadiah 1:20

Israel mi salin a omte in Kanaan gam Zarefat ciang dong luah ding uh a, Jerusalem mi, Sardis khua-ah salin a omte in Negeb gam khuapite a la ding uh hi.

Amos 6:14

Topa, Vanglian Pasian in hih bangin ci hi: No Israel mite a do dingin minam khat ka khangsak ding a, leilu lamah, Hamath khua lutna ciangka panin, leitaw lamah Arabah lui kikal dong, note hong nuaigawp ding uh hi, a ci hi.

2 KUMPI NIHNATE 25:21

Tua ciangin Babylon kumpipa in amaute vat a, Hamath gam sung Riblah-ah amaute a that hi. Tua ahih ciangin amau’ gam panin salin Judah mite kilakhia hi.

2 KUMPI NIHNATE 23:33

Tua ciangin amah in Jerusalem a uk theih loh nadingin Faro Neko in Hamath gam sung Riblah khua-ah amah kol bulh a, Judah mite tung panin ngun talen zakhat le kham talen khat siah a kai hi.

1 KUMPI MASATE 17:9

“Ding inla, Sidon mite’ khua Zarefath-ah pai-in tua lai-ah om in. Tua lai-ah nangmah a hong vak dingin meigongnu khat thu ka piazo hi,” a ci hi.

Gamlak-vakna 13:21

Tua ahih ciangin amaute paito-in Zin gamlak panin Hamath khua lutna gei, Rehob mun dong gam a vaan uh hi.

Jeremiah 25:22

Taia kumpite khempeuh, Sidon kumpite khempeuh; tuipi gei-a kumpite khempeuh;

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tungta hi. Bang hang hiam cih leh Topa keimah in Filistia mite le Kaftor tuipi gei-ah a omlaite ka susia ding hi.

Ezekiel 47:16

tua panin Berothah le Sibraim khuapite-ah (hih khuate pen Damaskas kumpi gam le Hamath kumpi gam kikalah om hi), tua panin Hazerhattikon khuapi (Hauran kumpi gamgi gei-a om) hi ding hi.

Ezekiel 27:1

Topa in kei kiangah thu hong gen a,

Ezekiel 28:1

Topa in kei kiangah thu hong gen a,

Amos 1:3

Topa in hih bangin ci hi: Damaskas khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gammite gawigawp uh hi.