Zekhariah 8:5 - Tedim Bible

⁵ Kongzing khempeuhah numei naupang kimawlin phezaizai ding uh hi.

Tedim Bible Revision 2017

⁵ Kongzing khempeuh ah numei naupang kimawlin phe zaizai ding uh hi.

Zekhariah 8:5 Referans Kwoze

Jeremiah 31:13

Tua ciangin nungakte lamin lungdam ding uh a, tangvalte le papite zong nuam ding uh hi. Amau’ kahnate lungdamna ka suaksak ding a, amaute hehpihin a dahnate uh kipahna ka suaksak ding hi.

Zekhariah 2:4

Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulhhuam sungah ta zo lo ding uh hi.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuhah naupangte puksi khin dektak uh hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Jeremiah 31:27

Topa in kong cihin-ah, “Israel gam le Judah gam, mihing le ganhing tawh ka dimsak hun hong tung ding hi.

Jeremiah 31:12

Amaute hong pai-in Zion mual tungah ngaihtakin la sa ding uh a, Topa’ hehpihna ahi, buh, leenggahzu, sathau le tuuno, bawngnote’ hangin amaute a lungdam mahmah ding uh hi. A nuntakna uh, tui a kibuak huan bang ding a, lungkham nawn lo ding uh hi.

Zekhariah 2:8

Hih bangin maang ka muh khit ciangin, ama mite’ na a sutgawp minam dangte kiangah thu a gen dingin Vanglian Topa in kei hong sawl a, Topa’ mite a su mi peuhpeuh in a mit nauta bangin a manphapen khat a su ahi hi.