Zekhariah 3:8 - Tedim Bible

⁸ Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Tedim Bible Revision 2017

⁸ Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Zekhariah 3:8 Referans Kwoze

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Isaiah 11:1

Jessi’ phung sung panin a sel khat hong khangkhia ding a, a zungte panin a no khat hong khang ding hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuhah amah cithei ding a, Topa’ biakinn lamkik ding hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai-ah khangto lel hi. Eite’ et dingin amah in lim le deihhuaina mel bangmah nei lo a, eite’ deih dingin hoihna nei lo hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Isaiah 20:3

Ashdod khua a kilak khit ciangin Topa in, “Egypt le Ethiopia langkhatah lim le siahil dingin ka nasempa Isaiah tangguak le kheguak tawh kum thum sung lam a pai mah bangin,

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Ezekiel 12:11

Na gamtatnasate pen amaute tungah a thupiang ding lahna lim ahihna thu gen in. Amaute pen a kiman, sal a suak ding mi ahi uh hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Isaiah 52:13

Topa in, “En un; ka nasempa a dau pai-in, amah a lianin kikoihin kilaamto ding a, sang mahmah ding hi.

Isaiah 49:5

Ama kiangah Jakob kipaipih kikin, ama kiangah Israel-te a kikaihkhop theih nadingin Topa’ mai-ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teng Vanglian Topa’ tung panin Israel mite’ sungah lim le kihilna ka hi uh hi.

Luka 1:78

I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak ding a,

Ezekiel 37:24

Ka nasempa David pen amaute’ kumpi hi ding a, mi khat’ ukna nuai-ah amaute kigawmin, ka thukhamte hoihtakin zui ding uh hi.

Ezekiel 34:29

Amaute tungah logam hoih pia ding ka hih manin gam sungah gilkial dangtak om nawn lo ding hi. Minam dangte in amaute simmawhbawl nawn lo ding uh hi.

Ezekiel 24:24

Tua ciangin kei pen note a dingin lim ka hi ding hi. Keima gamtat bangbangin a gamta ding na hihna uh hong gen hi. Hih bangin thu hong pian’ ciangin, kei pen Topa Pasian ka hihna hong thei ding uh hi, hong ci hi,” ci-in ka dawng hi.

Isaiah 49:3

Amah in kei kiangah, “Nang pen keimah hong kiminthansakna ding ka nasempa Israel na hi hi,” a hong ci hi.

Late 71:7

Mi tampite a dingin a siahil bang ka hih hangin nang pen a muanhuai, keima belh na hi hi.

Ezekiel 12:6

Amaute’ muhin na van na liangko-ah kisuanto inla, na pai nading mun na muh theih loh nadingin na mit tunsa-in khuamial lakah paikhia in. Hih bangin na gamtatna pen Israel mite a dingin hilhkholhna khat hi ding hi,” a hong ci hi.