Zekhariah 3:7 - Tedim Bible

⁷ Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk ding a, hih ka kianga om vantung mite’ thu ka ngaih bangin nangma thu zong ka hong ngai ding hi.

Tedim Bible Revision 2017

⁷ Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk dinga, hih ka kiang a om vantung miteʼ thu ka ngaih bangin nangma thu zong ka hong ngai ding hi.

Zekhariah 3:7 Referans Kwoze

Piancilna 26:5

Bang hang hiam cih leh Abraham in ka thu mangin, ka sawlna, ka thupiakna, ka ngeina kip le ka thu zui hi,” a ci hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Siampi Laibu 8:35

Kikhopna bukkongah ni sagih sung sun le zan na om ding uh a, Topa’ hong sawlte na hih ding uh hi. Tua hikeileh note na si ding uh hi. Bang hang hiam cih leh tua bang dingin keima tungah thu hong kipia hi,” a ci hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Johan 14:2

Note’ om nading mun a bawlkhol dingin a pai ding ka hi hi. Ka Pa’ inn sungah om nading mun tampi om hi. A om lo ding hileh hih bangin thu ka hong gen kei ding hi.

Luka 22:30

Keima Ukna sungah anne tuidawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Zekhariah 6:5

Tua ciangin amah in hong dawng a, “Hihte pen huihleeng li a cihnopna hi a, leitung khempeuhte’ Topa’ kiang panin a hong paikhia ahi uh hi,” hong ci hi.

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Ezekiel 48:11

Hih munteng pen Zadok’ suanlekhak siampite a’ ding ahi hi. Bang hang hiam cih leh Israel midangte a gamtat khialh uh ciangin Levi midangte bangin va zui lo uh a, hih mite in citakin keima na hong sem uh hi.

1 KHANG TANGTHU MASATE 23:32

Tua bangin amaute in kikhopna puanbuk le biakinn kemin, Topa’ biakinn nasepna-ah amau’ behte ahi Aaron’ suante huh ding uh hi,” a ci hi.

1 KUMPI MASATE 2:3

Amah in kei tungah a hong gen, ‘Na tapate in a lungsim khempeuh uhleh a nuntakna khempeuh uh tawh keima mai-ah thuman takin gamtat ding limtakin a ngaihsut nak-uhleh Israel kumpi tokhom tungah khat beek in nang hong tamasak lo ding hi,’ ci-a a thugenna Topa in a kipsak theih nadingin, Moses thukham sungah a kigelh bangin Topa na Pasian’ thuhilhna zui-in, ama lampite hoihtakin tawn inla, ama thukhamte, a thupiakte, a biakna ngeina kipte hoihtakin zui in. Tua hileh na heksuk na hektohna khempeuhah na dau hong pai ding hi.

Ezekiel 44:8

Ka biakinn sungah biakna ngeinate na zui kei uh a, ka biakinn sungah gamdang mite peuh na na semsak uh hi.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

1 KUMPI MASATE 3:14

Na pa David in a tot bangin nangmah in ka lampite tawnin, ka thukhamte le ka thupiaknate na zuih nakleh na khan ka sausak ding hi,” a ci hi.

Isaiah 62:9

Ahih hangin an a kholte in ne-in Topa na phat ding uh a, a kaikhawmte in keima biakinn huang sungah a dawn ding uh hi,” ci hi.

Zekhariah 3:6

Tua ciangin Topa’ vantungmi in Joshua kiangah limtakin thu gen a,

Zekhariah 6:15

Gamlapi-a a teng mite hong pai-in Topa’ innlam nasep hong huh ding uh hi. Tua biakinn a kilamkik ciangin Vanglian Topa in note kiangah kei a hong sawl ahihna thu na thei ding uh hi. Topa na Pasian uh’ thupiaknate cingtakin na zuih nak-uhleh tu-a ka gen bangin a hong piang ding ahi hi.