Zekhariah 2:7 - Tedim Bible

⁷ Babylon-ah a om mite aw, Zion-ah tai un,” ci hi.

Tedim Bible Revision 2017

⁷ Babylon ah a om mite aw, Zion ah tai un,” ci hi.

Zekhariah 2:7 Referans Kwoze

Isaiah 48:20

Babylon panin paikhia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob honkhia khinzo!” ci-in gen kawikawi in.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna-ah kihel kha-in a gimthuakna thuakpih kha ding na hih manun hong paikhia un.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Jeremiah 51:6

Babylon khuapi sung panin taikhia un. Mi khempeuh kisuahtak ciat un. Babylon’ mawhna sihpih kei un. Bang hang hiam cih leh a mawhna bangun a thuak nadingun Topa’ thuhkik hun ahi hi.

Isaiah 52:11

Kihem un, kihem un. Babylon panin paikhia unla, a nin nate lawng kei un. Topa’ beellekuang a puate aw, khuasung panin paikhia unla, nomau kisiansuah tawm un.

Piancilna 19:17

Amaute in a paikhiatpih khit uh ciangin, “Na nuntak nadingun tai un. Nunghei kei unla, kuam sungah zong khawl kei un. Note hong kangtum kha ding ahih manin mualtungah taito un,” a ci uh hi.

Micah 4:10

Jerusalem khuamite aw, numei nausuak ding bangin na tha uh san un. Tu-in kumpi khuapi nusia-in, gam sung khua-ah a teng ding na hita uh a, Babylon khuapi a zuan ta ding na hi uh hi. Ahi zongin tua lai panin note hong kihonkhia-in, na galte uh khutsung panin Topa in hong khahkhia ding hi.

Jeremiah 51:45

Ka mite aw, amaute lak pan hong paikhia un. A lauhuai Topa’ hehna panin mi khempeuh kisuahtak ciat un.

Jeremiah 50:8

“Israel mite aw, Babylon khuapi pan taikhia un. Khaldea gam panin paikhia un. Keelhon lak a keeltal bangin a paikhia masa ding kituh un.

Isaiah 52:2

A kimancip Jerusalem mite aw, leivui panin kisingkhia unla dingto un. A kiman Zion mite aw, na ngawng panun hong kihenna khaute sutkhia un.

Gamlak-vakna 16:34

Amaute’ kikona hangin a kiim uha om Israel mite khempeuh tai uh hi. Bang hang hiam cih leh amaute in, “Leitang in hong valhtum kha in teh!” ci uh hi.

Gamlak-vakna 16:26

Amah in mihonte kiangah, “Amaute’ khialhna khempeuh tawh note hong kiphiatkhia kha ding ahih manin, hih migilote’ puanbuk panin paikhia unla, amau’ na khat beek lawng kha kei un, hong thum ing,” a ci hi.

Isaiah 47:1

Nungak a bang Babylon aw, hong paisuk inla, leivui lakah tu in. Nungak a bang Khaldea aw, tokhom om lohna leilakah hong tusuk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.