Zekhariah 2:5 - Tedim Bible

⁵ Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Tedim Bible Revision 2017

⁵ Tua khuapi a hu dingin mei kulh bangin Topa mahmah a omna ding le tua khua sungah a minthanna tawh a ten nading thu, Topa in kamciam zo hi, ci-in va gen in,” a ci hi.

Zekhariah 2:5 Referans Kwoze

Isaiah 4:5

Tua ciangin Zion Mual tung, tua lai-a kikhawm mi khempeuh tungah, sunin meii sungah, zanin meikuang khu tawh Topa hong kilang ding a, Topa’ minthanna vang in khuapi hu ding hi.

Late 3:3

Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Zekhariah 9:8

Tua ciangin ka gam sung ka hu ding a, galte ka nawksak nawn kei ding hi. Ka mihingte’ thuakna mu khin ka hih manin migilote, ka bawlsiasak nawn kei ding hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Late 48:3

A muanhuai tua mualah amah a hu taktakpa ahihna Pasian in a lakkhin hi.

Isaiah 33:21

Tua khua sungah Topa in ama minthanna vang hong langsak ding a, a zai gunte le a zai lui geite-ah i teng ding hi. Tua tuite tungah ei hong do ding gal gunkuang hong kihot nawn lo ding a, gal teembaw zong hong pai nawn lo ding hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Late 48:12

Hih pen eima Pasian hi a, a tawntungin eima Pasian hi, ci-in khangkikte tungah na gen theih nadingun Zion kiimvelin pai-in, a tausang phazah sim unla, a kulh phungmai a hoih mahmahte ngaihsunin, a phualpi muanhuaite va nawk kim un. Amah pen a tawntungin lam hong lak ding pa ahi hi.

Late 46:5

Ama laizangah Pasian om a, amah a kiling kei ding hi. Pasian in phalvak tungin amah huh ding hi.

Late 85:9

I gam sungah minthanna a om theih nadingin amah a zahtakte a dingin ama hong hotkhiatna hong om takpi hi.

Late 125:2

Jerusalem kimkotah mualte a om mah bangin ama mite’ kimkotah tua kipan a tawntungin Topa om ding hi.

Isaiah 31:9

Amau’ belh a kumpipa uh a launa hangin tai ding a, buaina hangin a uliante in a dialkhai uh taisan ding uh hi,” ama meikuang Zion-ah a om, ama meikhuk Jerusalem khua-ah a om Topa in ci hi.

Isaiah 32:18

Ka mihingte pen kilem takin a tenna, lungmuang takin a omna, daitakin a tawlngakna munah om ding uh hi.

Ezekiel 38:14

Tua ciangin Topa Pasian in kei kiangah, “Mihing ahi Ezekiel aw, hih bangin thu gen in hong ci hi: Keima mi Israel-te lungmuang takin a om hun laitakin nangmah na kihanthawntawm ding a,

Ezekiel 42:20

Tua ahih manin a umna kulh a pang li-in a teh ciangin a pang li mahin kikim a, pang khat ciangin pi zagiat sawmli vive pha a, tua deina kulh pen biakna-a a siangtho le a mawkmawkte a kikhenna ahi hi.

Zekhariah 2:10

Topa in hih bangin hong ci hi: “Jerusalem mite aw, lungdamin la sa un. Note tawh a hong omkhawm ta ding ka hi hi,” ci hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Jeremiah 31:39

Tua lai panin khuapi huang dingin nitumna lamah Gareb mual dong kiteh suak ding a, Goah lamah a kihei ding hi.

Ezekiel 47:3

A mipa in a tehna piciang tawi-in a tui luanna nisuahna lam pi tulkhat zaguk sawmgiat ciang dong tehsuk a, a tui kei hong ngaptansak hi. A tui pen siakmit ciang bek thuk hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik ding a, khuapikulh zong kiciangkik ding hi, Vanglian Topa in ci hi, ci-in gen in,” hong ci hi.