Zekhariah 2:12 - Tedim Bible

¹² Judah mite pen gam siangtho sungah Topa’ neihtuam hong suakkik ding a, Jerusalem khua pen ama it penpen khuapi hong hi kik ding hi.

Tedim Bible Revision 2017

¹² Judah mite pen gam siangtho sungah Topaʼ neihtuam hong suakkik dinga, Jerusalem khua pen ama it penpen khuapi hong hikik ding hi.

Zekhariah 2:12 Referans Kwoze

Zekhariah 1:17

Tua ciangin vantungmi in ka taangkona ding hong genkik leuleu a, “Ama khuapite nakpitakin cithei kikin, Jerusalem khuapi a hehnep kikna ding, le ama khuapi-in a neihkikna ding, Vanglian Topa in gen hi, ci-in gen in,” hong ci hi.

Thu-hilhkikna 32:9

Ahi zongin Topa’ tanh pen ama mite hi a, Jakob’ suante pen a kipia ama luah ahi hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Late 33:12

Topa, Pasian-a a nei minam, ama luah dingin teelna a ngah minamte thupha ngah ahi hi.

Jeremiah 51:19

Jakob’ Pasian tua bang hi lo a, na khempeuh a piangsak pa ahi hi. Ama a dingin Israel mite teel a, ama min pen Vanglian Topa ahi hi.

Isaiah 41:9

leimong panin kong lakkhiat, leimong kiu a gamla pen mun panin ka hong sapkhiat, “Nang pen ka nasem pa na hi a, nangmah kong teel khinzo a, nangmah kong nilkhia kei hi,” ka hong cih pa aw,

Late 135:4

Bang hang hiam cih leh Topa in ama a dingin Jakob teel a, ama neihsa dingin Israel teel khinta hi.

Late 82:8

Pasian aw, tho in; leitung mite thu khen in. Bang hang hiam cih leh minam khempeuh nangma a’ ahi hi.

Late 132:13

Bang hang hiam cih leh Topa in Zion teel khinzo a, amah in tua mun pen ama ten nadingin a deih hi.

Late 132:14

“Hih mun pen ka om tawntungna ding ahi hi; hih mun deih ka hih manin hih lai-ah ka teng ding hi.

Isaiah 14:1

Topa in Jakob hehpihin Israel teelkik ding a, amaute pen a gam uhah koihkik ding hi. Khual mite in amaute pawlin Jakob innkuan bel ding uh hi.

Zekhariah 3:2

Topa’ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteenkhia singkhuah tawh kibang hi,” a ci hi.

Thu-hilhkikna 32:10

“Amah in sehnel gam, huihpi nunna gam sungah amaute mu hi. Amah in amaute kawi-in kem a, ama mitnauta bangin amaute kem hi.

Esther 6:13

Tua ciangin Haman in a zi Zeresh le a lawmte khempeuh tungah ama tunga thupiang teng a gen hi. Tua ciangin a zi Zeresh le a lawmte in ama kiangah, “Tu-a na lelhtak Mordekai pen Jew mi ahi hi; amah na zo kei ding a, amah in nang hong zozaw ding hi,” a ci uh hi.

Late 105:15

“Ka sathau nilhte sukha kei un; ka kamsangte tungah siatna bawl kei un,” ci hi.

Isaiah 17:14

En un, nitakin hong lausak a, zingsang ma-in amaute beita! Hih bang thute pen eite hong susia-in eite a hong luhgawpte in a thuak ding uh ahi hi.

Jeremiah 30:16

Tua ahih manin no hong thatte kithat ding a, na galte khempeuh uh salin kiman kik ding hi. No hong buluhte kibuluh ding a, no a hong mante, matin omzaw ding uh hi.