Zekhariah 13:2 - Tedim Bible

² Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Tedim Bible Revision 2017

² Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Zekhariah 13:2 Referans Kwoze

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah paikhia-in, ama kamsangte khempeuh sungah a zuau kha ka va hi ding hi,’ ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia inla tua bangin va hih in,’ ci hi.

Hosea 2:17

Ama kam panin Baal pasian min ka pulaksak nawn kei ding a, a min kilokha nawn lo ding hi.

Paikhiatna 23:13

Note’ tunga kong gente khempeuh thudon un; pasian dangte’ min genin nei kei unla, na kam sung panun zong tua bangte kizasak kei un.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Ezekiel 30:13

“Milim khempeuh ka susia ding a, Memfis khuapi-ah a om pasian man lote ka beisak ding hi. Egypt gam a uk ding kuamah om nawn lo ding a, mi khempeuh lausakin ka lingsakgawp ding hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Luka 11:20

Note’ ngaihsut bang hi loin, ke’n Pasian’ vangliatna tawh dawite hawlkhia ka hih manin, note kiangah Pasian’ Ukna hun hong tungta ahihna phawk un.

Mattiu 12:43

“Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. Ahi zongin a ten nading mun a muh zawh loh ciangin,

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Micah 2:11

Zuau genin khemna tawh thu gen kawikawi a, “Note a dingin leenggahzu le khamtheihzu tampi tak hong om ding hi,” a hong ci kamsangte pawl, note’ deih kamsangte ahi hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amaute’ mawhna le kei hong lehheknate panin ka suaktasak ding hi. Amaute a siangtho mi-in ka bawl ding a, amaute keima mi hi-in, kei, amaute’ Pasian ka hi ding hi.

Ezekiel 14:9

Kamsang khat peuhpeuh in khemna tawh a man loin thu hong dawn leh, Topa ahi keima khem hi ding hi. Israel mite lak panin tua kamsangpa ka lakhia ding hi.

Ezekiel 13:23

Tua ahih ciangin tu-in na zuau maangmuhnate uh le mi lam a khialsak thei na thugen kholhnate uh beita ding hi. Note’ khutsung panin ka mite ka honkhia ta ding a, tua ciangin Topa ka hihna thu na hong thei ding uh hi,” a hong ci hi.

Jeremiah 29:23

Bang hang hiam cih leh amaute, Israel gamah hai gamtat uh hi: A innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Isaiah 2:20

Amah pen leitung a lingsakgawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amau’ bawltawm ngun le kham milimte, buite le bakte a paih ding uh hi.

Isaiah 2:18

Milimte khempeuh mangthang khin ding hi.

Late 16:4

Pasian dang a teelte in amau’ dahna khangsak hi. Amau’ si theh biaknate ke’n bawlpih loin, amau’ pasian-te ka biakpih kei ding hi.

Thu-hilhkikna 12:3

Amaute’ biakna taute phelkhia-in, a biakna songte dengzanin, amaute’ Asherah milimte mei tawh na hal ding uh hi. A kiseek amau’ pasian-te’ limte na phukpai ding uh a, tua mun panin amau’ min na maimangsak ding uh hi.

Paikhiatna 22:13

Gamsa in a balzan ahihleh, lahtel nadingin tua ganhing paipihsak in. A kibalzan ganhing amah in loh lo ding hi.

Mangmuhna 18:2

Amah nakpitakin kiko a, “A Lian Babylon khuapi kicim, kicim! Tu-in dawite’ kua suak khinta-in, kha gilote’ omna suak khinta a, a kihhuai, a muhdahhuai vasa namkim in omna-in neita uh hi.

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

Hosea 14:8

Israel mite in milim biakha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding hi; amaute’ thupha ngah khempeuh keima kiang pan ahi hi,” a ci hi.

Ezekiel 6:6

Israel khuapite khempeuh beimang ding a, milim a biakna uh mun khempeuh kisusia ding hi. Tua ahih manin a biakna taute uh le a milimte uh vutlevai suakin, a paknamtui taute uh kisatvui gawp ding ahih manin, milim biak nadingin a bawlsa khempeuh uh maimang ding hi.

Ezekiel 12:24

Israel mite lakah maangmuhna man lo ahi a, genkholhna man lo ahi zongin om nawn lo ding hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak ding a, gilkial na thuakkha nawn kei ding uh hi.

Thu-hilhkikna 18:20

Ahih hangin keimah in thugen dingin thu pia lo napi-in keima min tawh thu a gen ngam kamsangpa hitaleh pasian dangte’ min tawh thu a gen pa hitaleh, tua bang mite si ding hi,’ hong ci hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng ding a, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi sisate uh phawkna ding mual bawlna tawh ahi zongin ka min siangtho daisak ngei nawn lo ding uh hi.

Hosea 2:19

Israel aw, nang, zi-in kong neikik ding a, nang tungah thuman thutangin kong gamta kik ding hi. Nang hong itin kong hehpih tawntung ding a, keima-a’ na hi tawntung ding hi.