Zekhariah 13:1 - Tedim Bible

¹ “Tua ni hong tun ciangin David’ suanlekhakte le Jerusalem khuamite’ mawhna le nitnateng khempeuh a silsiang dingin tuinak khat hong phul ding hi.

Tedim Bible Revision 2017

¹ “Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Zekhariah 13:1 Referans Kwoze

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

1 KORIN MASA 6:11

Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

1 JOHAN MASA 5:6

Hih Jesuh Khrih pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Jeremiah 17:13

Aw Topa, Israel mite’ lamet pa aw, nang a hong taisan mite a zahhuai ding uh hi. Nang a hong lehngatsan mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisanzo uh hi.

1 PETER MASA 1:19

tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngozaw ding hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak ding a, gilkial na thuakkha nawn kei ding uh hi.

Ezekiel 36:17

“Mihing ahi Ezekiel aw, Israel mite amaute’ gamah a ten lai-un amaute’ gamtatna le a sepnate uh tawh tua gam ninsak uh hi. Amaute’ gamtatnate pen numeite’ neih nin zahin a ninin ka ngaihsun hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kia sakin kol na bulh ding hi.

Jeremiah 33:8

Kei tungah hong bawl uh mawhna khempeuh panin amaute ka siangsak ding a, kei tungah a hong mawhnate uh le a hong langpanna khempeuhte uh ka maisak ding hi.

Ezekiel 47:1

Tua ciangin biakinn lutna kongkhakah hong paipih kik hi. Biakinn kongkhak sangkil nuai panin tui luang a, biakinn ngatna nisuahna lamah luang sukin, biakna tau leitaw lampang tawn suk hi.

Zekhariah 12:14

le beh dang khempeuhte zong a behbehin, a zite uh tawh a tuam ciatin kapin a thum ding uh hi.

Siampi Laibu 11:36

Ahi zongin tuinak le tuibeem ahihleh a siang hi ding a, ahih hangin a sisate a lawng peuhmah a nin hi ding hi.

Isaiah 12:3

Tui siangtho in a dangtakte a lungdamsak mah bangin, Pasian’ hotkhiatna in a mite lungdamsak ding hi.

Micah 5:12

Na mitphial siamte uh susia gawpin, ai a san thei mi kong omsak nawn kei ding hi.

Johan 5:4

Bang hang hiam cih leh Topa’ vantungmi khat in tua bual tui lok thei zel a, tui a kilawh khit ciangin tua lai a tung masa penpen ama natna panin a dam hi.)