Zekhariah 12:4 - Tedim Bible

⁴ Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Tedim Bible Revision 2017

⁴ Tua ni ciangin a sakolte uh ka lausak dinga, a sakol tung tuangte uh ka haisak ding hi. Ahi zongin Judah mite ka kem dinga, a galte uhʼ sakolte, a mit ka tawsak ding hi.

Zekhariah 12:4 Referans Kwoze

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Thu-hilhkikna 28:28

Topa in haina, mittawtna, le lungsim buaina tawh note hong vatgawp ding hi.

Zekhariah 12:6

“Tua ni ciangin Judah minamte, tulak kang le buhphual kang ka bangsak ding a, a kiima om minamdangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Sawltak 17:30

Pasian in mihingte’ theih loh hun lai-a a gamtatnate uh phamawh a sak loh hangin, tu-in mun khempeuha om mi khempeuhte a gamtat siatna panun a kihei nadingun thu a hong pia khinzo hi.

Zekhariah 14:15

Galte’ phuala om sakolte, la-sakolte, kalaohte, late, le ganhing om khempeuh tungah gimna lianpi a tung ding hi.

Zekhariah 12:11

Tua hun laitakin Jerusalem khua sungah kapin thumna pen Megiddo zanglei-a Hadadrimmon pasian’ sihna hangin kahna le thumna zah mahin nasia ding hi.

Zekhariah 10:5

Kongzing buannawng lakah a galte uh a tuancilgawp galkapte bangin amaute gualzo ding uh a, Topa in a ompih manin amaute in gal a sim uh ciangin a galte’ sakol galkapte zogawp ding uh hi.

Zekhariah 9:8

Tua ciangin ka gam sung ka hu ding a, galte ka nawksak nawn kei ding hi. Ka mihingte’ thuakna mu khin ka hih manin migilote, ka bawlsiasak nawn kei ding hi.

Daniel 9:18

Pasian aw, kong thungetnate uh hong ngai inla hong za in. Hong en inla, kote’ siatna le na min a pua khuapi a siatna hong mu in. Kote’ gamtatna pha a suang hi loin nangma migitna suangin thu ka hong ngen uh hi.

Ezekiel 39:20

Amaute in ka sabuai tungah, sakolte le a tunga tuangte, galkapte le galkapmangte’ sa, a nekzawh zahzah uh ne ding uh hi. Topa Pasian in hih thu ka gen khin hi,” hong ci hi.

Ezekiel 38:4

Nang hong lehhei-in, na khaguh-ah sikkawi kong bulh ding a, na galkap honpite khempeuh tawh kong kaikhia ding hi. Na galkap honpite pen a sakolte uh le a sakol tung tuangte uh tawh tam mahmah a, na galkap khempeuh in lum le namsau nei kim uh hi.

Jeremiah 24:6

Amaute limtakin ka kem ding a, hih gamah ka lakik ding hi. Amaute ka khangtosak ding a, ka susia kei ding hi; ka suan ding a, ka botkhia kei ding hi.

Isaiah 37:17

Topa aw, na bil hong ngat inla hong za in. Topa aw, na mit hak inla hong mu in. Sennakherib in a nungta Pasian a zahkona, hong khak hih thute khempeuh za in.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Nehemiah 1:6

Israel mi ahi na nasemte’ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

2 KHANG TANGTHU NIHNATE 7:15

Tu-in ka mitte hakin hih lai munah a kingen thungetna ka bilte in ngai ding hi.

2 KHANG TANGTHU NIHNATE 6:40

“Ka Pasian aw, tu-in na mit hak inla, hih lai mun a thungetna na bil hong ngat in.

2 KHANG TANGTHU NIHNATE 6:20

Na nasempa in hih mun lamah hong thungetna na zak theih nadingin nangmah in na min koih nadingin na ciamsa mun hih biakinn lam sun le zanin hong en in.

2 KUMPI NIHNATE 6:18

Amah a sim dingin Syria-te hong paisuk ciangin Elisha in Topa kiangah thu ngenin, “Hih mite mittawtna tawh vatgawp in, kong thum hi,” a ci hi. Tua ahih ciangin Elisha’ thungetna bangin amah in mittawtna tawh amaute vatgawp hi.

2 KUMPI NIHNATE 6:14

Tua ahih ciangin amah in sakolte le leengte le galkap hon lianpi khat tua lai-ah a sawl hi. Amaute zanin hong pai-in a khuapi umcih uh hi.

1 KUMPI MASATE 8:29

‘Tua lai-ah ka min om ding hi,’ na cihna mun hih biakinn lamah sun le zanin na mit hak inla, na nasempa in hih mun lamah a thungetna hong za in.

Zekhariah 12:5

Tua ciangin Judah minamte in, ‘Jerusalem-a a teng mite, Vanglian Topa ahi amau’ Pasian’ hangin thahat uh hi,’ ci ding uh hi.