Zekhariah 12:2 - Tedim Bible

² “Leenggahzu bangin Jerusalem khuapi ka bawl ding a, a kiima om minam dangte in a nek ciangin khamin a hoi ding uh hi. Jerusalem khuapi a umcih uh ciangin Judah gam khuapi dangte zong umcih ding uh hi.

Tedim Bible Revision 2017

² “Leenggahzu bangin Jerusalem khuapi ka bawl dinga, a kiim a om minam dangte in a nek ciangin khamin a hoi ding uh hi. Jerusalem khuapi a umcih uh ciangin Judah gam khuapi dangte zong umcih ding uh hi.

Zekhariah 12:2 Referans Kwoze

Zekhariah 14:14

Judah mite in Jerusalem khuapi hutna-in galte do ding uh a, minam dang khempeuhte’ neihsa kham, ngun, le puante tampi tak a laksak ding uh hi.

Late 75:8

Bang hang hiam cih leh Topa’ khut sungah leenggahzu a phuan, a kihelkim ngingei hai khat om a, amah in tua sung panin hong bungkhia ding a, leitung migilo khempeuh in a tawdat dong takin a liaktum ding uh hi.

Isaiah 51:17

Topa’ khutsung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, dingtangto in.

Mangmuhna 18:6

Amah in note hong bawl bangin ama tungah gamta unla, ama tungah a zah nihin thukkik un. Amah in note a hong dawnsak a zah nihin a khauh leenggahzu ama dawn dingin a hai sungah sung un.

Mangmuhna 16:19

Khuapi phelthum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

Mangmuhna 14:10

Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak ding a, na minthanna uh mindaina a suak ding hi.

Jeremiah 51:57

A kumpi uliante le a mipilte uh a kipan ukpite, uliante, le galkapte, zu ka khamsak ding a, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Jeremiah 51:7

Babylon khuapi, Topa’ khut sungah a om kham hai tawh kibang a, leitung buppi zu a khamsak hi. Gamdangte in a zu a dawn manun a hai khin uh hi.

Jeremiah 49:12

“Bang hang hiam cih leh Topa in kong cihin-ah: Gim a thuak dingin a kilawm lo mite nangawn in thuak veve uh ahihleh note in zong thuak loin om ding na hi uh hiam? Note in gim thuak loin na om kei ding uh a, na thuak veve ding uh hi.

Jeremiah 25:17

Tua ahih manin kei zong Topa’ khuttung panin tua hai ka la a, Topa’ hong sawlna gamte khempeuh ka dawnsak hi.

Jeremiah 25:15

Topa, Israel mite’ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai-ah va si ni. Bang hang hiam cih leh Topa’ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiatpih ding a, adangte ahihleh kipaikhiatpih lo ding hi.