Zekhariah 10:5 - Tedim Bible

⁵ Kongzing buannawng lakah a galte uh a tuancilgawp galkapte bangin amaute gualzo ding uh a, Topa in a ompih manin amaute in gal a sim uh ciangin a galte’ sakol galkapte zogawp ding uh hi.

Tedim Bible Revision 2017

⁵ Kongzing buannawng lakah a galte uh a tuancil gawp galkapte bangin amaute gualzo ding uh a, Topa in a ompih manin amaute in gal a sim uh ciangin a galteʼ sakol galkapte zo gawp ding uh hi.

Zekhariah 10:5 Referans Kwoze

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.

Zekhariah 12:8

Tua ni ciangin Topa in Jerusalem-a a teng mite hu ding a, a ginalo pente nangawn David zahin thahat ding hi. David’ suanlekhakte in Topa’ vantungmi le Pasian mahmah bangin amaute a makai ding uh hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang ding a, Zion mite, namsau-in ka zang ding hi.

Late 20:7

Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian’ min bek i kihihsakpih hi.

2 TIMOTI NIHNA 4:7

Kidemna-ah ka hat tawpin ka hih khin a, a mong dongin ka tai khin a, upna thu khotakin lenin ka zokhin hi.

2 KORIN NIHNA 10:4

Kote’ zat galdona hiam pen leitung galhiam lelte hi lo a, galte’ panmun phualpi a susiazo ding Pasian’ galhiam khauhte ahi hi.

Sawltak 7:22

Egypt gam sunga pilna om khempeuh ama tungah kihilh a, thugenna le nasepna-ah milian mahmah khat a suak hi.

Luka 24:19

Tua ciangin Jesuh in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesuh tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna-ah vang a nei mahmah khatin a ngaihsut uh ahi hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a matkhak mite manin khatlekhat kilaithang gawp ding uh hi.

Zekhariah 14:3

Tua ciangin Topa hong kuankhia ding a, a beisa hunah a sim ngei bangin hih minam dangte hong sim ding hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.

Amos 2:15

Thaltawite nangawn in do zo lo ding a, a tai hatte nangawn kisuahtak zo lo ding a, sakol tung tuangte nangawn in a nuntakna suahtak zo lo ding hi.

Ezekiel 38:15

leilu lam peka na omna gam panin sakol tung vive-ah a tuang, minam tampite kiang panin na kaihkhop a thahat galkap hon tampite masuanin na kuankhia ding a,

Isaiah 41:12

Nangmah hong langpangte na zon hangin amaute na mu nawn kei ding hi. Nangmah hong dote pen bangmah hi het lo ding uh hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Isaiah 8:9

No minam dangte aw, thei unla, lungkham un. Gamlapi-ah a om gamte khempeuh aw, ngai un. Kigalging un; ahih hangin lungkiatna na thuak veve ding uh hi.

Late 45:3

Vanglian kumpipa aw, na minthanna le na liatna tawh na namsau kuah in.

Late 33:16

Kumpi khat a galkap tampite in suaktasak zo lo a, galkap hang pa ama hatna tawh kihonkhia zo lo hi.

Late 18:42

Huihpi mai-ah leivui bangin amaute ka satvui a, kongzing buante bangin amaute ka lawnkhia hi.

2 SAMUEL NIHNA 22:43

“Leivui bangin amaute ka satvui a, kongzing buante bangin amaute tuankhamin ka sikcipsuk hi.

2 SAMUEL NIHNA 22:8

“Tua ciangin ama hehna hangin leitung kisingin, nakpitakin kilokgawp a, vantung bulpite kilinggawp hi.

1 SAMUEL MASA 16:18

Tangvalte khat in dawngin, “En un, Bethlehem mi Jessi’ tapa, a tumsiam, a thahat, a galhang mi, thugen a siam, a omnuam mi khat ka mu a, Topa in amah a ompih mi khat ahi hi,” a ci hi.

Joshua 10:42

Israel-te’ Topa Pasian in Israel-te a dingin dosak ahih manin Joshua in hih kumpite khempeuh le amau’ leitang hun khat sungin a la khin hi.

Joshua 10:14

Tua hun ma hitaleh tua hun khit hitaleh Topa in mi khat thu a ngaih tua ni bang nidang om lo hi. Bang hang hiam cih leh Topa in Israel mite a dingin a dosak hi.

Thu-hilhkikna 20:1

“Na langte uh a do dingin pai-in a sakolte, a leengte, le a galkapte uh nomau-a’ sangin a tamzaw-in na muh uh hangin amaute na kihta tuan kei ding uh hi. Bang hang hiam cih leh Egypt gam panin note a hong paikhiatpih Topa na Pasian uh note tawh hong om hi.

Mangmuhna 19:17

Tua ciangin ni sungah vantungmi khat a ding ka mu a, amah in vankim lai-ah a leeng vasa khempeuh nakpitakin samin, “Pasian’ pawi lianpi-ah a kikhawm dingin hong pai un.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Sawltak 18:24

Alexandria khuami Apollos a kici Jew mi khat, Efesa khua-ah hong pai hi. Amah thugen siam mahmah a, Lai Siangtho zong a thei mahmah khat ahi hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Late 44:5

Nangma huhna tawh ka galte uh ka sawnpai uh a, ko a hong do mite na min suangin ka tuancil uh hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Micah 5:8

A omlai Israel mite pen minam dangte’ lakah, gamlakah sa a beng, tuute a tuah ciangin manin balnen gawp a, a kam sung pan a honkhiazo a om lo, humpinelkai a bang ding uh hi.

2 KUMPI NIHNATE 9:33

Jehu in, “Amah hong lawnsuk un,” a ci hi. Tua ahih ciangin amaute in Jezebel lawnsuk uh hi. A sisan pawlkhat kulh tung le sakolte tungah kitheh a, tua ciangin amaute in amah tuancil uh hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!