Zekhariah 10:1 - Tedim Bible

¹ Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

Tedim Bible Revision 2017

¹ Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

Zekhariah 10:1 Referans Kwoze

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Jeim 5:7

Tua ahih ciangin sanggamte aw, Topa hong pai matengin lungduai takin om un. Lo khote in zong a lo panun an a ngahtheih nadingun lungduai takin khuapi guah le tuk guah a ngakna thu thei un.

Ezekiel 36:37

“Tu-a tengbek hi loin adang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Isaiah 30:23

Khaici na tuh nadingun amah in guah hong zusak ding a, lei panin a piang an hoih tampi tak hong pia ding hi. Tua ni ciangin gankhahna, mun zaina-ah na ganhingte un lopa ne ding uh hi.

Late 65:9

Nangmah in leitung enin, guah na hong zusak a, leitung a hoihna nakpitakin na behlap hi. Pasian’ gunpi tui tawh kidim a, leitungah an na piangsak hi. Tua bangin nangmah in na khempeuh na bawlkhol hi.

Thu-hilhkikna 28:23

Na lu tung uha om vantungte pen sumngo bangin sanin guah zu lo ding a, na nuai uha om leitung pen sik bangin sak ding hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin-ah, keima min suangin na nget peuhpeuh uh Pa in hong pia ding hi.

Micah 5:7

Tua ciangin a omlai Israel mite pen Topa in minam tampite a dingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Amos 4:7

Tua ahih manin anlak hun ding kha thum bek in a sap laitak, lolai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte-ah ka zusak kei hi. Lo khat bekah guah zu a, a zuk lohna lote a keutum hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei ding uh a hun hita ahih manin lo thak lei kalkham un. Tua hileh kei hong pai-in note tungah thupha kong pia ding hi, ka ci hi.

Ezekiel 34:26

“Amaute thupha pia-in ka mual siangtho kiimah ka omsak ding hi. A kisap hunhunin thupha guahtui ka zusak ding hi.

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 10:13

Amah a pau ciangin vantungah tuite ging hunhun a, leimong panin tuikhu a suaksak hi. Guahzuk nadingin khua phiasak a, huihkua panin huih a nungsak hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Paunak 16:15

Kumpipa maitai leh nuntakna hi a, ama pahtakna pen tuk hunin guah a zusak meiipi tawh kibang hi.

Late 104:13

A sangna mun na omna panin mite tungah guah na zusak a, nangma thupha tawh leitung a kidim hi.

Jeremiah 51:16

Amah a pau ciangin vantungah tuite ging huhu a, leimong panin tuikhu a suaksak hi. Guah zuk nadingin khua phiasak a, a saal sung panin huih a nungsak hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai-ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 KORIN MASA 3:6

Keima nasep pen khaici vawh hi a, Apollos’ nasep pen tuibuah hi a, ahi zongin a khangsak pa ahihleh Pasian ahi hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

JOB (Job) 29:23

Lo khote in khuapi guah deih mahmahin a ngak bangin, ka thugente khempeuh hoihtakin na sang uh hi.

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Jeremiah 5:24

A lungsim sung uhah, ‘A huna guah hong zusak a, tukguah, khalguah hong pia a, anlak hun ding a hong sehsak den Topa i Pasian zahtak ni,’ a ci kei uh hi.