Zekhariah 1:6 - Tedim Bible

⁶ Ahi zongin ka nasem ahi kamsangte’ tungtawnin ka hilhkholhna le ka thupiaknate in note dongin hong sukhalo ding sa na hi uh hiam, ka ci hi. Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Tedim Bible Revision 2017

⁶ Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Zekhariah 1:6 Referans Kwoze

Kah la 2:17

Topa in a sehsa bangin a tawpkhakna-ah a hong bawl hi. Sauveipi lai-in a hong hilhkholhna bangin hong hehpih nawn loin a hong susia hi. Galte gualzo a, ei hong guallelsak a, amaute a lungdamsak hi.

Thu-hilhkikna 28:15

“Ahih hangin note in Topa na Pasian uh thu mang loin, tuni-a kong gen ama thupiaknate le ama thukhamte khempeuh limtakin na zuih kei uhleh, hih samsiatna khempeuh note tungah hong tung ding a, note hong ban ding hi.

Mattiu 24:35

Van le lei a maimang zongin ka thugente maimang ngei lo ding hi.

Jeremiah 23:20

A lungsim sunga a tupna teng a tangtunsak matengin Topa’ hehna damkik lo ding hi. Hong pai lai ding hunte-ah note in siangtakin na telzaw semsem ding uh hi.

Amos 9:10

Keima mite’ sung panin, “I tungah siatna hong tung ngei lo ding hi,” a ci mawhneite khempeuh, gal sungah si ding uh hi.

Jeremiah 44:28

Namsau tawh thahna a thuak kha lo mi tawmkhate, Egypt gam panin Judah gamah hong ciahkik ding uh a, Egypt gamah a teng dingin a pai a nungtalai sunte in kei’ kammal le amau’ kammal koizaw a manin tung, cih a thei ding uh hi.

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

1 THESALONIKA MASA 5:4

Ahi zongin sanggamte aw, note ahihleh khuamial gamtatnate gamta lo na hih manun guta bangin tua Ni hong tunvat ciangin lamdang na sa kei ding uh hi.

Malakhi 3:18

Tua ciangin midikte le migilote, le keima na hong semte le hong sem lote a kilamdanna na mukik ding uh hi,” a ci hi.

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Ezekiel 37:11

Tua ciangin Pasian in kei kiangah, “Mihing ahi Ezekiel aw, Israel mite pen hih guhte tawh kibang uh hi. Amaute in, ‘I keucip a, i lamet ding bangmah om nawn loin i nuntakna guipi beita hi,’ ci uh hi.

Ezekiel 20:43

Tua hun ciangin, a kilawm loin na gamtatnate khempeuh uh le nomau mah na kinitsak tawmna thute uh na phawk ding uh a, na gamtat siatnasate uh hangin nomau mah na kimudahtawm ding uh hi.

Kah la 1:18

Topa a thutang ahi hi. Bang hang hiam cih leh keimah in ama thu a mang lo ka hi hi. Mun khempeuhah a om mite aw, ka thugenna hong ngai un. Ka thuaknate hong mu dih un. Ka khangno numei le pasalte salin a kipuakhia hi.

Jeremiah 26:15

Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Isaiah 44:26

a nasempa’ thu kipsakin, a kamtaite’ thugente a sem pa, ‘Jerusalem khua-ah mi tengin, Judah khuapite kilamkik ding a, a kisia khuate ka lamkik ding hi,’ a ci pa;

JOB (Job) 6:29

Ngaihsun pha un, a kilawm lopi-in kei hong hih kei un. Ngaihsun pha un, ka hoihna teng a hong kize-et hi lel hi.

Thu-hilhkikna 28:45

“Amah in note hong piak thupiaknate le thukhamte zui loin, Topa na Pasian uh thu mang lo na hih manun, note na sih matengun hih samsiatnate khempeuh note’ tungah hong tungin, note hong delhin hong pha ding uh hi.

Thu-hilhkikna 28:20

“Note in Topa na nusiat uh a, na gamtatsiat uhleh, note sia-in na sihmang khit matengun Topa in note tungah samsiatna, buaina, cihmawhnate hong tungsak ding hi.

Gamlak-vakna 33:56

Amaute tunga hih dinga ka ngaihsut bangin note’ tungah kong hih ding hi, ci-in gen in,” a ci hi.

Gamlak-vakna 32:23

Ahih hangin note tua bangin na gamtat kei uhleh, en un, Topa’ tungah a khial khin na hi uh hi. Na khialhna un note hong sulzuih ding theitel un.

Thu-hilhkikna 28:2

Topa na Pasian uh thu na man’ uhleh hih thuphate khempeuh note tungah hong tung ding hi.

Isaiah 21:17

Kedar mi thaltawi siam a omlaite tawm ding hi. Bang hang hiam cih leh Topa, Israel Pasian in hih thu gen khinzo hi,” hong ci hi.

Jeremiah 5:14

Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kangtum gawp ding hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Jeremiah 36:28

“Laizial dang khat la inla tua tungah, Judah kumpipa Jehoiakim in a haltum a masa laizial sunga thu omteng khempeuh atkik in.

Jeremiah 39:16

“Ethiopia mi Ebedmelek kiangah pai inla, ‘Vanglian Topa, Israel mite’ Pasian in hong genin-ah: En in, hih khuapi hoihna ding hi lo, a siatna ding ka gensate ka tungsak ding a, tua ni a hong tun ciangin nangmah in zong na mu ding hi.

Jeremiah 44:29

Note’ siatna ding ka gensa thute a hong tung takpi ding ahihna thu na theih nadingun Topa in kong cihin-ah, note tungah hih lim kong pia ding a, hih munah note kong thuaksak ding hi:

Daniel 4:28

Hih thuteng khempeuh kumpi Nebukhadnezzar’ tungah hong tung hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.

Zekhariah 1:7

Darias in a uk a kum nihna kum, kha sawm le khatna ahi Shebat kha ni sawmnih le ni li ni-in Topa in kei tungah thu hong gen a, zanin maang hong musak hi.

2 KUMPI NIHNATE 15:12

(Hih pen Topa’ thuciamna, Jehu tungah a piak, “Na suante khang lina dongin Israel kumpi tokhom tungah tu ding hi,” a cih ahi hi. Tua ahih ciangin tua bangin a piang ahi hi.)

Isaiah 55:11

keima kam panin a paikhia ka thu zong tua mah bang ding hi. A hawmpi-in kei kiangah hong tungkik lo ding a, keima ngimnasa bangin tangtung sakin, amah ka sawlna thu tangtun ding hi.

Jeremiah 28:17

Tua kum mah a kha sagih kha-in kamsangpa Hananiah a si ta hi.

Jeremiah 44:2

“Vanglian Topa, Israel mite’ Pasian in kong genin-ah: Note in Jerusalem khua le Judah gam khuapi khempeuh tungah ka tunsak gimna na muzo uh hi. En un, tuni-in tua khuate a siasa mahin omlai a, kuamah teng lo hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tuni-a na muh uh bangin tuate kisia-in gamlak suak khinta hi.

Kah la 3:42

“Topa aw, nang tungah kong khial uh a, hong lehdokha ka hih manun ka mawhna uh na hong maisak nai kei hi.