Zekhariah 1:2 - Tedim Bible

² Topa in Zekhariah kiangah, “Mite tungah hih bangin thu gen in: ‘Na pu na pate uh tungah Topa ahi keimah ka heh mahmah hi.

Tedim Bible Revision 2017

² Topa in Zekhariah kiangah, “Mite tungah hih bangin thu gen in: ‘Na pu na pate uh tungah Topa ahi keimah ka heh mahmah hi.

Zekhariah 1:2 Referans Kwoze

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tuni-a na muh uh bangin tuate kisia-in gamlak suak khinta hi.

Ezekiel 22:31

Tua ahih ciangin amaute’ gamtatna tawh kizui-in gimpiakna-in amaute tungah ka hehna khahin, mei in a kat bangin amaute ka maimangsak ding hi, Topa Pasian in ci hi,” a hong ci hi.

Kah la 5:7

Ka pu ka pate un mawhna a bawl manun a si khin uh hi. Amaute’ mawhna kote in ka thuak uh hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Late 60:1

Pasian aw, kote na hong nilkhia khin a, ka panmunte uh na sukham mang khin hi. Kote tungah nangmah na heh khin hi. Kote ka ngei uh hong bangsakkik ta in.

Ezra 9:13

Tu-in kote’ gamtatsiate le a lian ka mawhnate uh hangin hih bang gimna lian ka thuak uh hi; ahi zongin nangmah in kote’ tuah dinga kilawmzah gimna hong tuaksak loin, tu-a banga a nungta lai-in nong omsak zaw hi.

2 KUMPI NIHNATE 23:26

Manasseh in amah a phinnate khempeuh hangin Judah tungah ama hehna, a lauhuai hih hehna lian panin Topa kihei nai lo hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teng mite tungah ka kampauna na zak ciangin na lungsim kisikin Topa’ mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amaute’ thungetna ka ngai kei ding hi,” a hong ci hi.

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Jeremiah 32:23

Amau zong lutin a luahpah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Zekhariah 7:12

Amaute in a lungsim uh suangtum bangin saksak uh a, Vanglian Topa in tanglai kamsangte’ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.

Zekhariah 8:14

“Na pu na pate un kei hong hehsak ciangin amaute tungah siatna tunsak ding ka ngaihsun a, ka lungsim ka khiam het kei hi.