Zekhariah 1:16 - Tedim Bible

¹⁶ Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik ding a, khuapikulh zong kiciangkik ding hi, Vanglian Topa in ci hi, ci-in gen in,” hong ci hi.

Tedim Bible Revision 2017

¹⁶ Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik dinga, khuapi kulh zong kiciangkik ding hi, Vanglian Topa in ci hi, ci-in gen in,” hong ci hi.

Zekhariah 1:16 Referans Kwoze

Zekhariah 8:3

Ka khuapi siangtho Jerusalem-ah ciahkikin ka teng ding hi. A citak khuapi, ci-in minthang ding a, Vanglian Topa’ mual pen mual siangtho kici ding hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong a zo ding hi. Tua ciangin ka mite in, amaute kiangah nang kong sawlna thu hong thei ding uh hi.

Ezekiel 47:3

A mipa in a tehna piciang tawi-in a tui luanna nisuahna lam pi tulkhat zaguk sawmgiat ciang dong tehsuk a, a tui kei hong ngaptansak hi. A tui pen siakmit ciang bek thuk hi.

Ezekiel 40:3

Amah in tua khuapi nai-ah hong paipih a, sumngo bangin a tee mi khat ka mu hi. Tua mipa in pikhau khat le piciang khat tawi a, kongpi gei-ah a ding hi.

JOB (Job) 38:5

Bangcia-in golsak ding cih kua in seh ahi hiam? Kua in a golna ding zah khau khai ahi hiam? Hihte khempeuh thei kisa na hi hiam?

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,

Ezekiel 48:35

Khuapi kimkot a sauna pi tul sawmthum zanih sawmli pha a, tu a kipanin hih khuapi min pen, ‘Hih lai-ah Topa om hi,’ kici ding hi,” hong ci hi.

Isaiah 34:11

Ahih hangin mu le sakuh in gam sung teng luah ding uh a, keising le va-akte om ding uh hi. Tua gam pen gamsimtham suakin, hawmsuak ding hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Zekhariah 2:4

Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulhhuam sungah ta zo lo ding uh hi.

Zekhariah 10:6

Judah mite ka thahatsak ding a, Israel mite ka honkhia ding hi. Amaute ka khasiat ding a, inn-ah ka ciahpih ding hi. Amaute cikmah hunin ka nial ngei loh bang keekin nuamtakin a om ding uh hi. Kei pen Topa, amau’ Pasian ka hi a, amau’ thungetnate ka pia ding hi.

Jeremiah 30:18

“Topa in kong cihin-ah: En un, keimah in Jakob suante’ bukte ka lamkik ding a, a tenna uh ka hehpih ding hi. Khuapi zong a omnasa mualtung mahah kilamkik ding a, kumpipa’ inn zong a omnasa mahah omkik ding hi.

Zekhariah 2:5

Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. Ahi zongin tu-in Babylon panin taikhia-in Jerusalem-ah ciahkik un.