Zekhariah 1:12 - Tedim Bible

¹² Tua ciangin Topa’ vantungmi in, “Vanglian Topa aw, Jerusalem khuapi le Judah gam khuapite tungah kum sawmsagih sung na heh khinta hi. Amaute hehpih loin bang tanvei omlai ding na hi hiam?” ci hi.

Tedim Bible Revision 2017

¹² Tua ciangin Topaʼ vantungmi in, “Vanglian Topa aw, Jerusalem khuapi le Judah gam khuapite tungah kum sawm sagih sung na heh khinta hi. Amaute hehpih loin bang tanvei om lai ding na hi hiam?” ci hi.

Zekhariah 1:12 Referans Kwoze

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Daniel 9:2

Amah kumpi a suah a kum masa kumin keimah Daniel in, Topa in kamsang Jeremiah tungah Jerusalem kum sawmsagih sung kisia ding hi, ci-in a genna thu ngaihsunin biakna laibute ka sim hi.

Jeremiah 29:10

“Topa in kong cihin-ah: Babylon khua-ah kum sawmsagih na om khit uh ciangin, note kong kan kik ding a, kong kamciamnasa hong tangtung sakin hih munah kong lakik ding hi.

Late 102:13

Nangmah tho-in Zion khua na hehpih ding hi. Amah na angvan hun ding hita a, a kiciangtansa hun hong tung khin hi.

Late 74:10

Pasian aw, ka galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Mangmuhna 6:10

Amaute nakpitakin kiko uh a, “A thuman, a siangtho, a Vanglian Topa aw, leitungah a omlai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

Zekhariah 1:8

Topa’ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topa’ thugen a tun nadingin kum sawmsagih a cin nadingin leitang a kinusiat sung khempeuh leitang in sabbath tawlngakna a nei ahi hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

Isaiah 63:9

Vantung mite’ hotkhiat hi loin, Topa mahmah in amaute honkhia hi. A itna le a hehpihna tawh amaute honkhia a, amah in a beisa hun khempeuhah amaute hoihtakin a kem hi.

Late 69:5

Pasian aw, ka pil lohna na thei a, ka tatkhialhnate nangma kiang pan kiliah lo hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka omden hi.

Jeremiah 30:18

“Topa in kong cihin-ah: En un, keimah in Jakob suante’ bukte ka lamkik ding a, a tenna uh ka hehpih ding hi. Khuapi zong a omnasa mualtung mahah kilamkik ding a, kumpipa’ inn zong a omnasa mahah omkik ding hi.

Daniel 12:6

Tua mite khat in puanpak silh a, gungal a gamlazaw deuhin a ding pa kiangah, “Hih na lamdangte a beina ding bang tanvei sawt ding ahi hiam?” ci-in a dong hi.

Habakkuk 1:2

Topa aw, bang tanvei huhna hong ngen ding a, hong za loin om niloh ding na hi hiam? Gimna thuak ung, ci-in bang tanvei hong kiko ding a, hong hon loin, om niloh ding na hi hiam?

Late 79:5

Topa aw, bang tanvei hi ding ahi hiam? Heh paisuak ding na hi hiam? Nangma hazat hehna meikuang bangin kuang paisuak ding ahi hiam?

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngong bawl mahmah hi.