Zekhariah 1:11 - Tedim Bible

¹¹ Tua ciangin mui kung lakah a khawl Topa’ vantung mite kiangah amaute in, “Leitung khempeuh ka en kawikawi khin uh a, leitung khempeuh khuaphawk loin nuamtakin om uh hi,” ci-in thu a zasak uh hi.

Tedim Bible Revision 2017

¹¹ Tua ciangin mui kung lakah a khawl Topaʼ vantung mite kiangah amaute in, “Leitung khempeuh ka en kawikawi khin uh a, leitung khempeuh khua phawk loin nuam takin om uh hi,” ci-in thu a zasak uh hi.

Zekhariah 1:11 Referans Kwoze

Zekhariah 1:10

Hih sakol tung tuangte pai kawikawi-in leitung a en dingin Topa in a sawl ahi hi,” hong ci hi.

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Zekhariah 1:8

Topa’ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote lakhia-in,

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

Zekhariah 6:7

Tua sakolte, paikhia-in leitung teng a et ding uh ngaklah mahmah uh hi. Tua ahih manin vantungmi in, “Pai unla, leitungteng va en un,” ci-in thu a pia hi. Amaute zong pai-in va en uh hi.

Daniel 10:20

Amah in, “Bang hangin na kiangah hong pai ka hi hiam, cih na thei hiam? Thuman Laibu sungah a kigelh thute a lak dingin a hong pai ka hi hi. Tu-in ciahkikin, Persia gam a cing vantungmi tawh ka kido ding hi. Tua khit ciangin Grik gam a cing vantungmi a hong kilang ding hi. Mikhael longal kei a hong huh ding kuamah a om kei hi.

Isaiah 14:7

Leitung khempeuh tawlnga-in gamdai takin omta uh a, amaute inla sa-in kiko uh hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesuh le a vanglian a vantung mite, meikuang tawh hong kilat ciangin,

JOB (Job) 1:7

Topa in Satan kiangah, “Koi pana hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin ka hong pai hi,” a ci hi.