Zefaniah 3:5 - Tedim Bible

⁵ Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Tedim Bible Revision 2017

⁵ Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Zefaniah 3:5 Referans Kwoze

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Kah la 3:23

zing nisuak bangin thaksuak tawntung a, ni a hong suah pelmawh mah tawh a kibang ahi hi.

Late 145:17

Topa pen a sepna khempeuhah thutang a, a gamtatna khempeuhah hehpihna a nei hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawlkhiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Isaiah 28:19

Hong nawk sialin note hong ban ding hi; bang hang hiam cih leh zingsang khat khit zingsang khat, sun le zanin hong nawk tawntung ding hi. Topa’ tung panin na zak uh thute a banbanin launa lianpi vive hi ding hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim ding a, ama hong itna tawh hong thakbawl ding hi. Note’ hangin Topa lungdamin la sa ding a,

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Thu-hilhkikna 23:14

Bang hang hiam cih leh note hong hon ding le note’ mai-a na galte uh a hong pia dingin Topa na Pasian uh na giahphual laizang uhah hong pai hi. Tua ahih ciangin note lakah a kilawm lo nate a muh loh nading le note kiang panin amah a paikhiat loh nadingin na giahphual uh siangtho ding hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

ROM (Romans) 3:26

Ahi zongin tuhun ciangin Jesuh a um mi khempeuh Pasian tawh a kipawl theih nading le amah thuman ahihna a kilatsak nadingin mihingte’ mawhna tawh kisai-in na hong sem hi.

Zekhariah 2:5

Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Late 37:6

Amah in nangma dikna khuavak bangin, nangma thumanna nitaang bangin hong langsak ding hi.

JOB (Job) 34:10

“Ahi zongin thu ngaihsun thei a kinei note khempeuh in ka thugenna hong ngai un. Pasian a giloin gamta ngei ding a, Vanglianpa in a man loin sem ngei ding ahi hiam?

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Luka 12:2

A kiseelte khatvei teitei kimu ding a, thusimte khatvei teitei thulang suak ding hi.

Zefaniah 2:1

A maizum thei lo minam aw, hoihtakin thu ngaihsun in.

Habakkuk 1:3

Bang hangin hih bang siatnate le lungkhamnate hong musak na hi hiam? Kisuksiatna le kisukgawpna in hong umcih a, kitotna le kiselna, mun citengah om hi.

Micah 7:9

Topa tungah khialkhin ka hih manin ama hehna tawlkhat ka thuak ding hi. Ahi zongin a tawpna-ah kei hong huh ding a, a man lopi-in a hong kibawlna teng hong bawlphat sakin, amah in hong honkhia ding hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Ezekiel 48:35

Khuapi kimkot a sauna pi tul sawmthum zanih sawmli pha a, tu a kipanin hih khuapi min pen, ‘Hih lai-ah Topa om hi,’ kici ding hi,” hong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hinapi-in na maizum thei kei lailai hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Isaiah 45:21

Na thu uh sung unla, hong gen un. Na thu uh kikum khawm un! Hih thu sawtpekin kua in gen ahi hiam? Tanglai-in kua in pulak ahi hiam? Keimah Topa hi lo ka hi hiam? Thuman Pasian le Honpa ahi, kei simloh pasian dang om lo a, kei simloh kuamah dang om lo hi.

Isaiah 33:2

Topa aw, kote hong hehpih in; nang kong muang uh hi. A tawntungin kote hong hu inla, lungkham hunin hong honkhia in.

JOB (Job) 8:3

Pasian in thutang a zanglo sa na hi hiam? Vanglianpa in thuman a zanglo sa na hi hiam?

Piancilna 18:25

Thuman mite, migilote tawh a kibat nadingin migilote tawh thuman mite thahkhawm ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

JOB (Job) 7:18

zingsang simin gim a pia dingin ama kiangah pai-in amah na ze-et themthum nadingin mihing bang hi lel ahi hiam?

Ezekiel 18:25

“Ahi zongin note in, ‘Topa’ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomau’ ngaihsutna zia hizaw hi.

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Zefaniah 3:13

Israel mi a omlai sunte, midangte tungah gilo nawn lo ding uh a, zuauthu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Hosea 6:5

Tua ahih manin note a hong thuhilh ding le note a hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.