Zefaniah 3:4 - Tedim Bible

⁴ A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasian’ thukham lehhei uh hi.

Tedim Bible Revision 2017

⁴ A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasianʼ thukham leh hei uh hi.

Zefaniah 3:4 Referans Kwoze

Ezekiel 22:26

A siampite un ka thukham palsatin, a siangtho biakna nate ninsak uh hi. A siangtho biakna nate le a mawkmawk nate khenna mel nei lo uh a, a tate uh tungah a siang le a nin a kilamdanna zong hilh lo uh hi. Sabbath-te zong donin nei lo uh hi. Tuate khempeuh hangin Israel mite in kei hong zahtak lo uh hi.

Malakhi 2:8

“Ahi zongin, no siampite na hih uhleh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Hosea 9:7

Gimthuakna hun hong tungta a, thukkikna hun hong tungta hi. Tua hun ciangin Israel mite in na thei ding uh hi. Note’ mawhna hang le note in kei nong muhdahluat manun, “Hih kamsangpa mihai hi; hih thumu pa lungsim kicing lo hi,” nong ci uh hi.

Kah la 2:14

Na kamsangte un zuauthu longal thudang gen ding nei lo uh a, a thuhilhna uh khemna thu bek ahih manin, a khial na hihlam uh a hong hilhtel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 5:31

Kamsangte in thuman gen lo uh a, siampite in zong amau’ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 9:15

Upa pa le a zahtakhuai mipa pen a lutang hi a, zuauthu a hilh kamsangpa pen a mei ahi hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

2 KORIN NIHNA 11:13

Amaute pen sawltak taktak hi loin, sawltak a kineihkhemte hi uh a, a nasepna uhah zong zuau-in, Khrih’ sawltak taktak a battheih nadingun a mel kiseel ahi uh hi.

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

Micah 2:11

Zuau genin khemna tawh thu gen kawikawi a, “Note a dingin leenggahzu le khamtheihzu tampi tak hong om ding hi,” a hong ci kamsangte pawl, note’ deih kamsangte ahi hi.

Jeremiah 23:32

En un, Topa in kong genin-ah, ka sawl lohpi zuau mang manin tua thu hilh a, a zuauthu uh le a kiphatsakna uh tawh ka mite lam a khialhpih mite’ langkhatah kei ka pang hi. Ka mite a dingin amaute a kimanna uh themkha beek om lo hi, Topa in kong ci hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

1 SAMUEL MASA 2:22

Tu-in Eli teek mahmah a, Israel-te khempeuh tungah a tapate’ gamtatnate, le kikhopna buk lutna-ah na a sem numeite tawh a lupkhopna thute khempeuh zong a za hi.

Thukhente 9:4

Tua ciangin amaute in Baaberith inn panin ngun pek sawmsagih Abimelek pia uh a, amah in ama nung a zui, bangmah-a a kimang lo le thu ngaihsun thei lo mite cialna hi.

Ezekiel 44:23

“Amaute in ka mite tungah, biakna na a siangtho le a mawkmawk nate, le a nin le a siang nate a kilamdanna hilh ding uh hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Malakhi 2:7

Siampite’ nasep pen Pasian a manin theih nading a hilh ding uh ahi hi. Amaute pen, Vanglian Topa’ kamtaite ahih manun, mite in keima deihna a theih nadingun amaute’ tungah thu a dot ding uh ahi hi.

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.