Zefaniah 3:14 - Tedim Bible

¹⁴ Zion tanu aw, nakpitakin la sa inla, Israel aw, lungdamin kiko in. Jerusalem tanu aw, na lungsim khempeuh tawh lungdam in.

Tedim Bible Revision 2017

¹⁴ Zion tanu aw, nakpi takin la sa inla, Israel aw, lungdamin kiko in. Jerusalem tanu aw, na lungsim khempeuh tawh lungdam in.

Zefaniah 3:14 Referans Kwoze

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Micah 4:8

Pasian in a mite a etna Jerusalem khuapi aw, nidanga na vangliatna na ngahkik ding a, kumpi khuapi na suakkik ding hi.

Isaiah 54:1

Ta a nei lo, a ciing mi aw, lungdamin la sa in. Nausuak natna a thuak ngei lo mi aw, la sa khia inla, a gingin kiko in! Bang hang hiam cih leh a kinusia numei’ tate pen a kitenpih numeite’ tate sangin tamzaw ding hi, Topa in ci hi.

Isaiah 51:11

Topa’ mi a kithehthangte hong ciahkik ding a, lasakna tawh Zion-ah hong pai ding uh hi. A tawntungin amaute lungdam ding uh a, amaute in lungdamna le kipakna ngahin, dahna le khuisatna nei nawn lo ding uh hi.

Isaiah 40:9

Jerusalem aw, mual sang dawnah kahto-in lungdamna thu kiko in. Zion aw, nakpitakin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Isaiah 35:2

tampi takin palhkhia ding a, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasian’ liatna mu ding uh hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Late 14:7

Israel-te a’ ding hotkhiatna Zion panin hong tunna ding thu ka ngenngen hi. Topa in ama mite tungah nopsakna a piakkik ciangin, ama mi Israel-te kipak mahmah ding uh hi.

Nehemiah 12:43

Pasian in nakpitakin amaute lungdamsak ahih manin amaute in tua ni-in biakpiakna lian tampi pia-in lungdam uh a, numei naupangte zong lungdam uh hi. Tua hi a, Jerusalem khuasunga lungdamna awging gamlapi pek pan nangawnin kiza hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Jeremiah 31:13

Tua ciangin nungakte lamin lungdam ding uh a, tangvalte le papite zong nuam ding uh hi. Amau’ kahnate lungdamna ka suaksak ding a, amaute hehpihin a dahnate uh kipahna ka suaksak ding hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek hi lo ding uh hi. Amaute ka kipahtawisak ding a, ka neusak kei ding hi.

Late 97:8

Pasian aw, Zion in za-in nuam a, na thukhennate hangin Judah khuapite lungdam uh hi.

Isaiah 37:22

amah tawh kisai-in Topa’ thugen hih bang ahi hi: ‘Sennakherib aw, Jerusalem mite in nang hong simmawhin hong zahko uh hi. Jerusalem mite in na nungah a lu hong peisan lel uh hi.

Isaiah 40:1

Ka mite hehnem un, hehnem un, na Pasian un ci hi.

Late 149:2

Amah a Bawlpa tungah Israel lungdam hen la, amau’ Kumpipa’ tungah Zion mite kipak tahen.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Isaiah 52:9

A kisia Jerusalem munte aw, la sa-in kiko khawm un. Bang hang hiam cih leh Topa in ama mite hehnemta a, Jerusalem honkhia khinta hi.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidanga bangin khuapi guah, tuk guah le phalbi guah, a hoihbekzah hong zusak hi.