Zefaniah 3:13 - Tedim Bible

¹³ Israel mi a omlai sunte, midangte tungah gilo nawn lo ding uh a, zuauthu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Tedim Bible Revision 2017

¹³ Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Zefaniah 3:13 Referans Kwoze

Mangmuhna 14:5

Amaute, paubaanna om kiuhkeuh lo uh ahih manin zuauthu gen ngei het lo uh hi.

Zefaniah 2:7

Judah mi a omlaite in na gam sung luah ding uh a, amaute in tuucinna-in nei-in, Ashkelon khuasunga om innte sungah zanin lum ding uh hi. Topa ahi amaute’ Pasian in amaute ompih ding a, citheisakkik ding hi.

Micah 4:7

Amaute, a cimawhin gamlapi-ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

Micah 4:4

A kuamah peuh lungnuamin a leenggui phung le a theikung nuai-ah tu hithiat ding a, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

Isaiah 17:2

Ama khuapite kinusiacip paisuak ding hi. Tuuhonte’ omna mun suak ding a, tua tuuhonte lum hithiatin bangmah in lausak lo ding hi.

Johan 1:47

Jesuh in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuauthu om het lo hi,” a ci hi.

Joel 3:17

Tua ciangin Topa in, “Israel-te aw, ka mual siangtho Zion tungah a teng keimah pen Topa note’ Pasian ka hihna na hong thei ding uh hi. Jerusalem pen a siangtho biakna khuapi hi ding a, gamdang mite in zokik nawn lo ding uh hi.

Ezekiel 39:26

Amaute’ gam sungah kuamah in su loin lungmuangin a omkik uh hun ciangin, kei hong lehbawlnate uh le a mindainate uh mangngilh theita ding uh hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Jeremiah 30:10

“Tua ahih manin Topa in kong cihin-ah: Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte uh a saltanna uh panin ka honkhia ding hi. Jakob’ suante hong ciah ding uh a, nuamtakin a tengkik ding uh hi. Kuamah in amaute a lausak nawn kei ding hi.

Jeremiah 23:4

Amaute a don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.

1 PETER MASA 3:14

A hoihin na gamtat manun gimna na thuak uhleh zong Pasian in thupha hong pia ding hi. Mite kihta kei unla, lunghihmawh ngaihsut kei un.

Kolose 3:9

Ngeina lui le gamtatna lui khempeuh a beisakkhin na hihna uh kithei-in khatlekhat tungah zuauthu kigen nawn kei unla,

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

Micah 7:14

Topa aw, nangma tuu ahi na mite hong cing in. Gamnuam leihoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Isaiah 65:10

Amaute in kei hong bia ding uh a, Sharon gam pen amau’ tuuhon gamtatna mun suaksak ding uh a, Akhor Kuam pen amau’ bawng honte’ lupna mun a suaksak ding uh hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a honkhia hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Isaiah 6:13

Mi sawm ah khat bang a omlai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasian’ mite a kipatthakna ding lahna lim ahi hi.)

Late 23:2

Lo nona-ah hong lumsak a, tuidam kiangah hong paipih hi.

Siampi Laibu 26:6

“Keimah in gam sungah nopsakna hong pia-in, note lungnuam takin na lum ding uh a, bangmah in note hong lausak lo ding hi. Keimah in gam sung panin ganhing gilote ka hawlkhia ding a, galkidona in na gam uh hong nawk lo ding hi.

JOB (Job) 11:19

Kuamah kihtak nei loin nuamtakin na om ding a, mi tampi in nangma maipha hong zong ding uh hi.

Late 120:2

Topa aw, mizuaute le mikhemte’ kiang panin kei hong honkhia in.

Late 120:3

Mikhem theite aw, note’ tungah bang hong kipia ding a, note’ tungah bang hong kihih ding ahi hiam?

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Zekhariah 8:3

Ka khuapi siangtho Jerusalem-ah ciahkikin ka teng ding hi. A citak khuapi, ci-in minthang ding a, Vanglian Topa’ mual pen mual siangtho kici ding hi.

Zekhariah 8:16

Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna a pia hi.

Zekhariah 8:12

Lungnuam takin lokho singpua-in nuam a sa ding uh hi. Leengguite gahpha ding a, guah tampi zu-in lo-ah an tampi piang ding a, a suaktalai ka minamte tungah hih bang thupha khempeuh ka tungsak ding hi.