Zefaniah 3:12 - Tedim Bible

¹² Note lakah a kiniamkhiat, mineute bek, ka suaktasak lai ding a, keima tungah huhna hong ngen ding uh hi.

Tedim Bible Revision 2017

¹² Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.

Zefaniah 3:12 Referans Kwoze

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

ROM (Romans) 15:12

tua ciangin Isaiah in, “Jessi’ suante khat hong khang ding a, Gentail mite a uk dingin milian hong suak ding a, ama hangin Gentail mite in lamet lungmuanna nei ding uh hi,” cihnate a kigelh hi.

Mattiu 12:21

Gentail mite in amah bek mah lametin nei ding uh hi,” ci hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giaugiau uh a, hih banga ka gamtatna panin Topa’ thugen ahihlam a phawk uh hi.

Late 37:40

Amaute in Topa beel ahih manin amah in amaute huhin honkhia a, migilote’ kiang panin amaute honin suaktasak hi.

Isaiah 14:30

Mizawngte in keima gankhahna sungah an ne ding uh a, a cimawhte lungnuam takin lum hithiat ding uh hi. Ahih hangin no Filistia mite, kialpi tawh kong that ding a, a suaktakha a omlaite keimah in ka that ding hi.

Zekhariah 11:7

Tuu summeet bawlte in kei hong cial uh a, a kigo ding tuute a cing pa ka suak hi. Kei zong ciangkhut nih la-in khat pen “Hehpihna” ci-in min ka phuak a, a khat pen “Kipawlna” ci-in min ka phuak hi. Tua hi a, tuute a cingin kei ka om hi.

Ezra 9:8

Ahi zongin tu-in Topa ka Pasian un tomkha sung kote hong hehpih a, a suakta pawlkhat hong omsakin nangma mun siangtho-ah siksan ding mun nong pia hi. Nangmah in ka mit uh hong vaksakkikin ka salsuahna uhah ka nuntakna uh ka thakpat theih nading uh kalsuan cilna nong pia hi.

Isaiah 6:13

Mi sawm ah khat bang a omlai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasian’ mite a kipatthakna ding lahna lim ahi hi.)

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Jeremiah 17:7

“Topa muangin amah a beel mi in thupha a ngah ahi hi.

Jeremiah 50:20

Tua ni hun ciangin, Topa in kong cihin-ah, Israel gamah khialhna kizong ding a, a kimu kei ding hi. Judah gamah mawhna kizong ding a, a kimu tuan kei ding hi. Bang hang hiam cih leh ka nuntaksak, ka nusiatlai mite a mawhna uh ka maisak ding hi.

Ezekiel 6:8

“Tua banga kihonthahna panin pawlkhat ka suaktasak ding a, minam dangte lakah kithehthangin,

Micah 5:6

A namsau uh tawh Nimrod’ gam ahi, Assiria gam zo ding uh a, Assiria mite in i gam hong sim ciangin amaute’ kiang panin eite hong honkhia ding uh hi.