Zefaniah 3:11 - Tedim Bible

¹¹ Tua hun ciangin ka mite in kei nong lehdona hangun maizumna ding bangmah om nawn lo ding hi. Note lak panin a kiphasak, a kihisak mite ka hawlkhia ding a, Jerusalem khua-a ka mual siangtho tungah kei nong lehdo nawn kei ding uh hi.

Tedim Bible Revision 2017

¹¹ Tua hun ciangin ka mite in kei nong lehdona hangun maizum nading bangmah om nawn lo ding hi. Note lak panin a kiphasak, a kihisak mite ka hawl khia dinga, Jerusalem khua-a ka mual siangtho tungah kei nong lehdo nawn kei ding uh hi.

Zefaniah 3:11 Referans Kwoze

Isaiah 54:4

Lau kei in, maizumna na thuak kei ding hi. Cihna ding thei loin om kei in; maizumin nang hong kikoih lo ding hi. Bang hang hiam cih leh na khangno lai-in na zulhtatna le na meigonna hangin hong kikonate na phawkkha nawn kei ding hi.

Isaiah 11:9

Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Isaiah 61:7

Note’ maizumna tangin nopsakna a zah nihin na ngah ding uh a, note’ mindaina tangin no’ ngahna sungah na lungdam ding uh hi. Tua ahih ciangin na gam sung uhah a zah nih na luah ding uh hi. Note-a’ pen tawntung lungdamna hi ding hi.

1 PETER MASA 2:6

Bang hang hiam cih leh Lai Siangtho sungah, “A manpha suang khat ka teelkhia a, innkiu suang dingin Zion-ah ka koih hi. Amah a umte, zahhuai ngei lo ding hi,” ci-in na kigen hi.

ROM (Romans) 9:33

Lai Siangtho in, “En un, keimah in Zion-ah mite a muktuk theih nading, mite a puktheih nading suang khat ka koih hi. Ahi zongin amah a muang mite khempeuh tavai cih om ngei lo ding hi,” ci hi.

Mattiu 3:9

‘Abraham’ suante ihi ngawn hi,’ cihna lungsim nei mawk kei un. Ke’n kong cihin-ah, Pasian in hih suangte nangawn Abraham’ suanlekhakte-in a bawl thei hi lel hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uha mite khempeuh in Jerusalem le na mite a hong simmawh uh hi.

Jeremiah 7:4

‘A muanhuai sungah i om hi. Hih pen Topa’ biakinn ahi hi, Topa’ biakinn ahi hi, Topa’ biakinn ahi hi,’ a kicici zuauthute um kei un.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

ROM (Romans) 2:17

Tu-in Jew mi ka hi uh, a ci note in thukham suan belin nei-in Pasian na theihna uh na kisialhpih uh hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Daniel 9:20

Keima mawhna le ka mipih Israel-te’ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Ezekiel 24:21

Israel mite kiangah hih bangin thu gen in hong ci hi. Ama cihna-ah: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nungah a omlai na tate uh, namsau-in si ding uh hi, ci hi.

Late 49:5

Haksat hun, hong bawlsiate’ gitlohna in hong nencip ciangin bang hangin lau ding ka hi hiam?

Gamlak-vakna 16:3

Moses le Aaron langpangin amaute kikaikhawmin amaute kiangah, “Khengval lua uh teh! Mihon khempeuhte a milipin siangtho uh a, amaute’ lakah Topa om hi. Bang hangin Topa’ mihonpite tungah nomau kiliansak tawm na hi uh hiam” a ci uh hi.

Late 59:12

Amau’ kama a mawhna a muk uh tawh a pauna hangin, amau’ kiphatsakna-ah amau mah awksak in. Amaute in hamsiatna zangin zuauthu a genna hangun,

Late 131:1

Topa aw, ka lungsim kiliansak nawn lo a, kei ka kihisak nawnkei hi. Kei a dingin a lianlua le a lamdang luate ngaihsutin ka nei kei hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Isaiah 5:15

Mi khempeuh a niamin kikoih suk hi. A kiphasak mite kiniamkhiat suk hi.

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Jeremiah 13:9

“Topa in kong cihin-ah, hih bangmahin Judah mite’ kisaktheihna le Jerusalem khuate’ ki-uatsaknate ka susia ding hi.

Ezekiel 20:40

Topa Pasian in, “Ka mual siangtho, Israel mual sang tungah Israel mite khempeuh in kei nong bia ding uh hi. Note tungah kong lungdam ta ding a, biakpiaknate, a limcipen piaknate, le na letsong siangthote uh kong lamen ta ding hi.