Zefaniah 3:10 - Tedim Bible

¹⁰ A gamlapi Ethiopia gam pekah a om, a kithehthang ka mite nangawn in biakna hong puak ding uh hi.

Tedim Bible Revision 2017

¹⁰ A gamlapi Ethiopia gam pekah a om, a kithehthang ka mite nangawn in biakna hong puak ding uh hi.

Zefaniah 3:10 Referans Kwoze

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Late 68:31

Egypt gam panin sumngo lakhiasak inla, Pasian’ tungah thungetna-in Ethiopia gam a khut zansak mengmeng in.

Isaiah 18:1

Ah, Ethiopia gunte’ galkhat, puankhai gunkuangpi a omna gamte in Nail gun tawnin tui tungah laisah tawh a kibawl gunkuangpite tungah tuangin taangmi hong sawl uh hi. No a zaptel makaite aw, amau’ gam gunpi in a phelkhap, a vanglian a gualzo minam, a nai a gamla-ah a kikihta mi, a tun sang mi, a cineel minamte kiangah va pai un.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

Sawltak 24:17

“Jerusalem panin kum tampi sung ka paikhiat khit ciangin ka mipihte a kihuhna sumte a puak ding le gan go-in Pasian a bia dingin Jerusalem-ah ka pai hi.

Sawltak 8:27

Filip zong kithawi-in a pai hi. Lampi-ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua-ah Pasian bia dingin a va pai hi a,

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Isaiah 18:7

Tua hun ciangin, amau’ gam gunpi in a phelkhap, a vanglian a gualzo minam, a nai a gamla-ah a kikihta mi, a tun sang mi, a cineel mite kiang panin Vanglian Topa’ min omna Zion mual, Vanglian Topa’ tungah letsong hong kipuak ding hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai-ah paisawm hi ding ahi hiam? Jew mite omna Grik khuapi tuamtuamte-ah pai-in Grik mite kiangah thu hilhsawm hi ding ahi hiam?

Isaiah 11:12

Amah in minamte a dingin lim khat koih ding a, Israel mi a kihawlkhiate kaikhawmin, leitung kiu li panin Judah mi a kikhenthangte kaikhawm ding hi.