Zefaniah 2:6 - Tedim Bible

⁶ Tuipi gei-a om leitang aw, tuute’ gamtatna mun, gamlak na suak lel ding hi.

Tedim Bible Revision 2017

⁶ Tuipi gei-a om leitang aw, tuuteʼ gamtatna mun, gamlak na suak lel ding hi.

Zefaniah 2:6 Referans Kwoze

Ezekiel 25:5

Rabbah khuapi pen kalaoh khua ka suaksak ding a, Ammon khuapi dangte zong tuukhawk ka suaksak ding hi. Tua ciangin Topa ka hihna thu nong thei ding uh hi.

Isaiah 17:2

Ama khuapite kinusiacip paisuak ding hi. Tuuhonte’ omna mun suak ding a, tua tuuhonte lum hithiatin bangmah in lausak lo ding hi.

Isaiah 5:17

Tua ciangin tuunote in amau’ tatna gamlak mun bangin tua khua sungah lopa ne ding uh a, a thau ganhingte le keelnote a siasa khuapi sungah gamta ding uh hi.

Isaiah 7:25

Lingkungte le lingte na kihtakna hangin tupeek tawh a kikho ngei mual neute-ah na pai ngam kei ding hi. Tua munte pen bawng khahna le tuute’ gamtatna mun suak ding hi,” a ci hi.

Jeremiah 33:12

“Vanglian Topa in kong cihin-ah, mihing ganhing om loin mun awng ahi mun le a khuapi khempeuhte-ah tuucingte in tuu cingin a tentheihna ding mun hong om ding hi.