Zefaniah 2:5 - Tedim Bible

⁵ Tuipi gei-ah a gual ten, no Filistia gammite aw, gimna na ngah ding uh hi. Filistia mite’ tenna Kanaan leitang aw, Topa in nang tungah thu hong khenzo hi. Mi khempeuh a beimang dongin hong susia ding hi.

Tedim Bible Revision 2017

⁵ Tuipi gei ah a gual ten, no Filistia gam mite aw, gimna na ngah ding uh hi. Filistia miteʼ teenna Kanaan leitang aw, Topa in nang tungah thu hong khen zo hi. Mi khempeuh a bei mang dongin hong susia ding hi.

Zefaniah 2:5 Referans Kwoze

Ezekiel 25:16

Tua ahih ciangin Filistia mite simin ka beimangsakna ding thu a hong genkhia ta ka hi hi. Filistia Zanglei a a omlai mi khempeuh ka susiamang ding hi.

Jeremiah 47:7

Topa in ka sawl nakleh bang ci-in khawl dide thei ding ahi hiam? Ashkelon khua le tuipi gei teng a sim dingin ka sawlsa ahi hi,” a hong ci hi.

Amos 3:1

Israel mite aw, note’ langkhat a Topa’ thugen, hih thu limtakin ngai un: Egypt gam panin na minam bupun note kong paikhiatpih hi.

Joshua 13:3

(Kanaan mite’ gam ci-a a kiciamteh, leilu lam Ekron gamgi lam, Egypt nisuahna lama om Shihor pan Filistia gam Gaza, Ashdod, Ashkelon, Gath, le Ekron gamte a uk mi nga om hi), le Avvim gam,

Marka 12:12

Hih thugentehna pen amaute a cihnopna a a gen ahihlam Jew makaite in thei uh ahih manin Jesuh a kimat theih nading a hanciam uh hi. Ahi zongin mihonpite kihta uh ahih manin Jesuh bangmah cih loin a paisan uh hi.

Zekhariah 1:6

Ahi zongin ka nasem ahi kamsangte’ tungtawnin ka hilhkholhna le ka thupiaknate in note dongin hong sukhalo ding sa na hi uh hiam, ka ci hi. Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Zefaniah 3:6

Topa in hih bangin thu gen a, “A kiphasak mite ka nilkhia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Amos 5:1

Israel mite aw, kap kawmin kong thugenna, limtakin ngai un:

Isaiah 14:30

Mizawngte in keima gankhahna sungah an ne ding uh a, a cimawhte lungnuam takin lum hithiat ding uh hi. Ahih hangin no Filistia mite, kialpi tawh kong that ding a, a suaktakha a omlaite keimah in ka that ding hi.

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite, le Baalhermon Mual panin Hamath lutna ciang dong Lebanon Mual tungah a teng Hiv mite ahi hi.

1 SAMUEL MASA 30:14

Kote in Khereth mite’ Negeb gam le Judah-te’ gam sung le Kaleb mite’ Negeb gam ka sim uh a, mei tawh Ziklag ka hal uh hi,” a ci hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuaizaw gul gunei hong om ding a, tuate pen a leng thei gulpi hong hi ding uh hi.

Zefaniah 1:11

Khuapi Veng Nuainung sungah a teng mite aw, hih bang gamlumna na zak uh ciangin kapin thum un. Bang hang hiam cih leh sumbukte khempeuh si ding uh hi.

Joshua 13:2

A omlai leitang: Filistia gam sung khempeuh, le Geshur gam khempeuh