Zefaniah 2:11 - Tedim Bible

¹¹ Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Tedim Bible Revision 2017

¹¹ Topa in amaute lausak gawp dinga, leitung pasian-te, neubawl gawp ding hi. Tua ciangin minam khempeuh in amauʼ gam ciat panun amah bia ding uh hi.

Zefaniah 2:11 Referans Kwoze

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Hosea 2:17

Ama kam panin Baal pasian min ka pulaksak nawn kei ding a, a min kilokha nawn lo ding hi.

Late 138:4

Topa aw, leitung khempeuh in na thuciamnate za khin uh ahih manin nang hong phat ding uh hi.

Piancilna 10:5

Hihte pen tuipi gei-a teng mite’ pulepa ahi uh hi. Amaute’ leitangah amau’ kam pau ciat zangin, a beh, a minamin a om uh hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Zekhariah 8:20

Vanglian Topa in hih bangin ci hi: “Minam liante le khuapi liante panin Jerusalem-ah mi hong pai hun hong tung ding hi.

Zefaniah 3:9

“Tua ciangin minamte’ lungsim ka hei ding a, amaute in keima tung bekah thu hong ngenin, lungsim kikhatin ka na hong sem ding uh hi.

Zefaniah 1:4

“Judah gammi khempeuh susia mangin, Jerusalem khuami khempeuh ka sumai ding hi. Baal milim biakna a them banglai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

Isaiah 49:1

Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Late 86:9

Topa aw, na bawlsa minam khempeuh hong pai-in na mai-ah hong kun ding uh a, nangma min hong phat ding uh hi.

Late 72:17

Ama min kip tawntung hen la, a minthanna kip paisuak hen. Ama hangin mite in thupha ngah hen la, minam khempeuh in amah pen thupha ngah pa, ci ta uh hen.

Thu-hilhkikna 32:38

amaute’ biakpiakna thau ne-in, leenggahzu tawh a biakna uh a dawnte koi-ah om ahi hiam? Amaute thosakin note kihuhsak unla, amaute, na kidalna uh hisak un!

Jeremiah 10:11

Amaute’ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Jeremiah 46:25

Vanglian Topa, Israel mite’ Pasian in, “En un: Keimah in Thebes khua-a Amon pasian le Faro kumpipa a kipan a pasian-te uh le a kumpite uh, Egypt kumpipa le amah a muang mi khempeuh tungah gimna ka tungsak ding hi.

Daniel 11:18

Tua khit ciangin tuipi tungtawnin minam dangte sim ding a, tampi tak mah a zo ding hi. Ahih hangin gamdang makai khat in amah zogawp ding a, a minthanna teng a beisak ding hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Isaiah 2:18

Milimte khempeuh mangthang khin ding hi.

Isaiah 2:20

Amah pen leitung a lingsakgawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amau’ bawltawm ngun le kham milimte, buite le bakte a paih ding uh hi.