Zefaniah 1:6 - Tedim Bible

⁶ Lam pialin, kei hong zui nawn lote, thudong dingin kei kiangah hong pai nawn lote, ka susia ding hi,” a ci hi.

Tedim Bible Revision 2017

⁶ Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Zefaniah 1:6 Referans Kwoze

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Isaiah 1:4

Ah, a khial minam, mawhna in a nencip mite, siatna a bawlte’ suanlekhakte, a gamtatsia tapate! Amaute in Topa nusia khin uh a, amaute in Israel-te’ Siangtho Pasian simmawh khin uh hi. Amaute in lam khial khin taktak uh hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin nang tungah hih bang teng hong tung hi lo ahi hiam?

Hosea 11:7

Ka mite in kei kiang panin pial ding ngaihsun tawntung uh ahih manin amaute in kolbulhna thuak ding uh a, kuamah in a kol sutsak lo ding hi.

Jeremiah 3:10

Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Isaiah 9:13

Amaute a satpa’ lamah Israel mite kihei lo a, Vanglian Topa zong lo uh hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Ezekiel 3:20

“Mihoih mahmah khat gamtatsiat ding hong kipan leh a lauhuaina munah amah ka koih ding hi. Amah hilhkhol kei lecin si ding hi. Ama mawhna hangin si ding a, ama gamtat hoihsate phawkin ka nei kei ding hi. Ama sihna thu-ah nang kong ngawh ding hi.

Late 125:5

Ahih hangin amau’ gitlohna a zuite pen siatna a bawlte gim na piak ciangin amaute tawh piakhawm in. Israel tungah nopna om ta hen!

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuhah, “Pasian om kei,” a ci hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi.

Hosea 7:7

A hehluatna uh tawh amau a ukte a thatlum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

Isaiah 43:22

“Ahih hangin Jakob aw, ka min nong lo kei hi. Israel aw, kei nong cimtak hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Hosea 7:10

Israel mite’ kiphatsakna in amau’ langkhatah teci pang hi. Ahi zongin hih thu khempeuhah zong, amau’ Topa Pasian ahi kei’ lamah hong kihei tuan lo uh a, kei hong zong lo uh hi.

Joshua 23:12

Bang hang hiam cih leh note nungkikin note lakah a omlai minamte tawh kipawlin amaute tawh kitengin, note in amau’ numeite tenpihin amaute in note’ numeite a tenpih leh,

2 SAMUEL NIHNA 22:22

Bang hang hiam cih leh Topa’ thu ka zui a, ka Pasian ka langpang kei hi.

2 KHANG TANGTHU NIHNATE 15:13

le Israel Pasian, Topa a zong lo peuhmah, a moi ahi a, a ham ahi a, numei ahi a, pasal ahi zongin a kithahna ding uh thuciamna khat a bawl uh hi.

Isaiah 9:12

Ama mai-a om Syria mite le a nunga om Filistia mite in kam ka-in Israel netum uh hi. Hih thute khempeuh hangin ama hehna damzo nai lo a, ama khut kizanlai hi.

Zefaniah 3:2

Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.