Zefaniah 1:4 - Tedim Bible

⁴ “Judah gammi khempeuh susia mangin, Jerusalem khuami khempeuh ka sumai ding hi. Baal milim biakna a them banglai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Tedim Bible Revision 2017

⁴ “Judah gam mi khempeuh susia mangin, Jerusalem khuami khempeuh ka sumai ding hi. Baal milim biakna a them baang lai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Zefaniah 1:4 Referans Kwoze

Hosea 10:5

Bethaven khua-a bawngno milim a taanna uh hangin Samaria khuapi sunga a teng mite lau-in ling ding uh a, amaute le tua milim na a sem siampite a thum ding uh hi. A etlawmna teng a maiman’ ciangin a tau ding uh hi.

Micah 5:13

Note’ biak milimte le na biakna songte uh ka susia gawp ding a, note’ bawlsa nate na bia nawn kei ding uh hi.

Jeremiah 6:12

A innte uh midangte in luah ding uh a, a lote le a zite uh a taan ding uh hi. Bang hang hiam cih leh Topa in kong cihin-ah, hih mite’ langkhatah ka khut zanin gim ka pia ding hi.

2 KHANG TANGTHU NIHNATE 34:4

Tua ciangin amah in Baal-te’ biakna taute ama muhna-ah supaisak hi. Tua ciangin amah in tuate tungah a om paknamtui biakna taute phuk a, Asherah milimte, le a kiseek le a kisung milimte sukhamin gawivui a, tuate’ tungah biakna a pia mite’ han tungah tua a vuite a theh hi.

2 KUMPI NIHNATE 21:13

Keimah in Samaria le Ahab le ama suante gim ka piak bangin Jerusalem tungah gimna ka tungsak ding hi. Tua ciangin mi khat in pakan a nul bangin keimah in Jerusalem nulin ka lumlet ding hi.

Paikhiatna 15:12

Na taklam khut na zan a, leitung in amaute nawmvalh hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam sehnel gam pan a kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in hong thei ding uh hi,” a hong ci hi.

Ezekiel 25:7

Hih bangin gamta se na hih manun note’ nate hong sutgawp ding minamte’ khut sungah kong pia ding hi. Note hong sumaimang ding ka hih manin a minamin ahi a, a gamin ahi zongin na dingzo nawn kei ding uh hi. Tua ciangin Topa ka hihna na hong thei ding uh hi, ci-in gen in,” a hong ci hi.

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Zefaniah 2:13

Topa in leilu lamah a khut hong zanin Assiria gam susia ding a, Nineveh khuapi susia gawpin sehnel gam a suaksak ding hi.

2 KUMPI NIHNATE 23:12

Tua ciangin Judah kumpite in a bawlsa, Ahaz’ inndei tungnung khumzanga a om biakna taute, le Topa’ biakinn tual nihte sungah Manasseh in a bawlsa biakna taute, amah in phelin satnen a, tua a vuite Kidron lui-ah a paai hi.