Zefaniah 1:15 - Tedim Bible

¹⁵ Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun’ ni,

Tedim Bible Revision 2017

¹⁵ Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun ni,

Zefaniah 1:15 Referans Kwoze

Joel 2:2

Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Mangmuhna 6:17

Amaute’ hehna hangin gimna hun hong tungta ahih manin kua in thuakzo ding ahi hiam?” a ci uh hi.

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Zefaniah 2:2

Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

Jeremiah 30:7

Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Thu-hilhkikna 28:52

Na gam sung uha a om na muan uh, a sang a muanhuai na kulhpite uh a cip khit dong matengin note’ khuapite khempeuh sungah amaute in note hong umcih ding uh hi. Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Isaiah 8:22

Amaute in leilak a etsuk hangun, lungkhamna le khuamialna, lungzinga gimna bek om hi. Khuamial ngeungau sungah amaute kihawlkhia ding hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Isaiah 13:9

En un, leitung gamkhing suaksakin, leitung mawhneite a susia dingin hehna le sinsona tawh nasia takin Topa’ ni hong tung ding hi.