Zefaniah 1:13 - Tedim Bible

¹³ Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Tedim Bible Revision 2017

¹³ Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Zefaniah 1:13 Referans Kwoze

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Micah 6:15

Khai na tuh uh hangin an na la kei ding uh hi. Oliv gah na cil uh hangin a thau na zangkha kei ding uh a, leenggah na cil uh hangin a zu na dawnkha kei ding uh hi.

Thu-hilhkikna 28:30

“Zi dingin lawm khat na dong ding uh a, midang khat in na luppih ding hi. Inn na lam ding uh a, tua sungah na teng kei ding uh hi. Leenggui lo na zuan ding uh a, a gah na ne kha kei ding uh hi.

Ezekiel 7:21

Amau’ nate, gamdang mite ka sutsak ding a, a neihsa khempeuh uh migilote sutsakin, ka ninsak ding hi.

Jeremiah 15:13

Topa in, “Na gam sung tenga na bawl uh mawhna khempeuhte’ hangin na neih na lam uh le na sum na paite uh man ngah loin na galte uh ka tuahsakmang ding hi.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kei ding uh hi; bang hang hiam cih leh lung in tuate ne ding hi.

Zefaniah 1:9

Lawki mite bangin biakinn sungah a lamte, khemna le thahna tawh a ngah uh vante tawh, a topa uh’ inn a dimsakte khempeuh, tua ni mahin gim ka pia ding hi,” a ci hi.

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Ezekiel 22:31

Tua ahih ciangin amaute’ gamtatna tawh kizui-in gimpiakna-in amaute tungah ka hehna khahin, mei in a kat bangin amaute ka maimangsak ding hi, Topa Pasian in ci hi,” a hong ci hi.

Ezekiel 7:19

Topa’ hehna amau’ tungah a tun ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah paai ding uh hi. A gilkial uh ciangin zong an bangin tuate ne thei lo uh hi. Ngun le khamte in mawhna sungah amaute tumpihzaw hi.

Jeremiah 9:11

“Jerusalem khuapi ninkholna ka bangsak ding a, se-alte’ tenna mun ka suaksak ding hi. Judah gam khuapite gamlak ka suaksak ding a, kuamah teng nawn lo ding hi,” a ci hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuuhon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi-ah a teng kuamah om loin hawm suakin, innte-ah kuamah om loin, leitang pen gamkhing suak kiuhkeuhin,

Thu-hilhkikna 28:51

note na sih matengun amaute in na ganhon note uh le na leitang panun a piang gahte hong neksak ding uh hi. Amaute in note hong beisak matengun note a dingin an, leenggahzu, ahih kei leh sathau, na ganhingte uh ahih kei leh na tuuhon note uh zong hong nusiat lo ding uh hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uhah na bawl uh mawhnate hangin na neih na lam uh le na sum na paite uh, na galte uh ka tuahmangsak ding hi.

Kah la 5:2

Ka neihsa teng uh gamdang mite’ khut sungah tung mangkhin a, ka innsung uhah gamdang mite teng ta uh hi.

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineite’ kimuanna beita ding hi.