Titu 3:9 - Tedim Bible

⁹ Ahi zongin a haihuai thu kiselna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.

Tedim Bible Revision 2017

⁹ Ahi zongin a haihuai thu kiseelna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.

Titu 3:9 Referans Kwoze

2 TIMOTI NIHNA 2:14

Na mite thu kinialin a kitot loh nadingun Pasian’ mai-ah thupi takin na hilhkhol in. Tua bang thu kinialna in a za mite phattuamna ngahsak loin a siasak bek ahi hi.

2 TIMOTI NIHNA 2:23

Thu kihai seelna, thei lo pi-a thu kinialnate na pelh in. Tua bangte in kitotna a piansak lamtak na theihsa ahi hi.

1 TIMOTI MASA 4:7

Pasian’ thu tawh a kituak lo, a haihuai tangthu phuahtawmte ngaihsutin na nei vet kei in. Pasian’ deihna tawh a kituakin na nuntak zawh nadingin na kisin in.

2 TIMOTI NIHNA 2:16

Pasian tawh mite a kigamlasak semsem thei thu ginalo, a haihuai thu kikup thu kiselnate na pelh in.

Titu 1:14

Jew mite’ tangthu phuahtawmte ahi a, thuman a nial mite’ thupiaknate ahi zongin a don nawn loh nadingun khauhtakin taii-in na thuhilh in.

JOB (Job) 15:3

bangmah-a kimang lo kampaute pau lo a, phattuamna om lo dingpi-in thu seello uh hi.

1 KORIN MASA 8:1

Tu-in milim biakna sa tawh kisai thu panin: Amaute in, “Ka thei uh hi,” a cih mah bangin eite khempeuh in theihna i neih ciatna thu i thei hi. Tua bang theihna in mite kisatheisak a, ahi zongin itna in mite kipsak hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Jeim 4:1

Note lakah a om kitotna le kilaina koi panin hong piang ahi hiam? Deihluatna lungsim na neih manun note’ pumsung a kitoktok niloh ahi hi.