Titu 3:2 - Tedim Bible

² kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Tedim Bible Revision 2017

² kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Titu 3:2 Referans Kwoze

Efesa 4:31

Kimuhdahna, hehna, thangpaihna, kitotna, kikona, kilungsim neihna khempeuh beisak unla,

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

1 TIMOTI MASA 3:3

zu a kham lo mi, a ngongtat lo mi, lungsimnem mi, kitot a uk lo mi, sum a deihlua lo mite hi ding uh hi.

1 PETER MASA 3:10

Bang hang hiam cih leh Lai Siangtho in, “Nuntak nuam deihin, hunhoih a zang nuamte in kamsia pau kei uh hen la, zuauthu gen kei ta uh hen.

1 PETER MASA 3:8

A tawpna-ah kong gennop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

Jeim 4:11

Sanggamte aw, khatlekhat kigensia kei un. A mipihte gensia-in thu a khente in Thukham gensia-in thu a khen ahi hi. Thukham na gensiat uhleh Thukham a zui hi loin thu a khen na hi uh hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

2 SAMUEL NIHNA 22:36

“Nangmah in kei hong dalin na hong honkhia a, nangma hong huhna in kei hong liansak hi.

Galati 6:1

Sanggamte aw, mi khatpeuh a gamta khial a om ciangin, Kha Siangtho’ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuahkhak loh nadingun na kikem un.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuhah a thuman mi hi ding uh hi.

1 THESALONIKA MASA 2:7

Note kiangah ka hong om lai-un nupite in a tate uh itna tawh a bawl bangin note ka hong bawl uh hi.

Filippi 4:5

Mi khempeuh tungah na dik un. Topa hong pai baih ta ding hi.

1 KORIN MASA 9:19

Kei pen kuama khutnuai mi hi loin a suakta mi hinapi-in, mi a tam theithei ka ngahzawh nadingin mi khempeuh’ khutnuai mi-in ka kibawl hi.

Late 140:11

Mi gensia pa leitungah mavangsak kei inla, mi ngongtat pa pen thusia in sulzuih ta hen!

2 KORIN NIHNA 12:20

Bang hang hiam cih leh note kiangah ka hong tun ciangin note’ omzia ding ka deih bangin na om loh khak ding uh le note in keima maisuah na muhnopzia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna, le buaina a omkhak ding ka lunghimawh hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

Sawltak 23:5

Paul in, “Lawmte aw, siampi lianpen pa ahihlam ka thei kei hi. Lai Siangtho in, ‘Na mite uh a ukpa na gensia kei ding uh hi,’ ci hi,” ci-in a dawng hi.

Paunak 25:24

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Paunak 6:19

zuauthu gen teci man lote, le kitotna a piangsakte ahi hi.

Juda 1:10

Ahi zongin hih mite in a theihtel loh uh thute simmawhbawl uh a, ganhing bangin a pianpih lungsim uh tawh gamta uh ahih manin siatna thuaklawh uh hi.

Juda 1:8

Tua mite mah bangin hih mite zong thumu-in kinei-in amau pumpi thanghuaisak uh a, Pasian’ thu nialin tunglam a om minthanna a neite a simmawhbawl uh hi.

2 PETER NIHNA 2:10

Pasian’ thu nialin amau pumpi deihna zui-in a gamta mite gim pia phadiak hi. Hih sia man lote kiphasakin hangsan mahmah uh a, minthanna a nei vantung a omte zahtak hetloin gensia ngam uh hi.

1 PETER MASA 4:4

Tu-in note in dawibiate pawlpih nawn loin ut utin na phengtat loh uh ciangin lamdangsa-in note hong kosia uh hi.

1 KORIN MASA 6:10

a gutate, a huaihamte, zukhamte, mi gensiate, ahih kei leh mi’ na a sutte khat beek, Pasian’ Ukna sungah lutthei het lo ding hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Paunak 19:19

Migilo pa ama thuak ding gimna mah thuaksak zaw in. Honkhia lecin na hotkhiatkik zelzel kul ding hi.