Titu 3:14 - Tedim Bible

¹⁴ I mite ommawk loin, thu kisam a phamawhte huh thei-in, na hoih na phate a septheih nadingun na hilh in.

Tedim Bible Revision 2017

¹⁴ I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Titu 3:14 Referans Kwoze

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Titu 3:8

Hih ka thugente a man mahmah ahi hi. Tua ahih manin Pasian’ thu a um mite in gamtat hoih a neihtheihna dingun hih ka hong thugente na lim ngaihsut ding ka deih hi. Ka hong thugente a hoih hi a, mite a dingin a manpha vive ahi hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Mattiu 7:19

Gah limci a gah lo singkungte kiphukin meikhuk sungah kikhul hi.

2 PETER NIHNA 1:8

Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:8

Gah tampi gah le-uhcin ka Pa’ minthanna a kilangsak na hi ding uh a, keima nungzui na hihna uh kilang ding hi.

2 THESALONIKA NIHNA 3:8

Kuama an a khongin ka ne kei uh hi. Note khat peuhpeuh in nong suplawhkhak loh nadingun a sun a zanin hahkat takin na ka sem uh hi.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Mattiu 21:19

Lam gei-ah theikung khat mu ahih manin a gei-ah va pai a, ahi zongin a teh simloh bangmah a mu kei hi. Jesuh in tua theikung kiangah, “Gah ngei nawn kei in!” a cih khit phetin a theikung a sipah hi.

Sawltak 18:3

tua nupate mah bangin Paul zong puanbuk bawl nasep tawh a nungta ahih manin amaute tawh omkhawmin na a semkhawm uh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in themkhat beek na gimlawhkhak loh nadingun a sun a zanin nakpitakin na ka sem uh hi.

ROM (Romans) 15:28

Amaute a dingin a kikaikhawm hih sumte a cingin amaute tungah apin, hih nasep ka man khit ciangin Spain gam manawh dingin ka hong paikhia ding a, note kiangah kong baang ding hi.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hita un.

Filippi 4:16

Thesalonika khua-ah cimawhin ka om lai-in huhna nong puak uh khatvei bek hi lo hi.

Titu 2:8

mite’ mawhmat theih loh ding kamhoihte na zang in. Tua hileh i langte in hong gensiat theih nading mu loin a mai uh zum lel ding hi.