Titu 3:13 - Tedim Bible

¹³ Sitni Zenas le Apollos-te a khualzinna uh manlang takin a paisuak theih nadingun na hihtheih bangin na huh inla, lamkalah kisapna bangmah a neihkhak loh nading uh zong na thei in.

Tedim Bible Revision 2017

¹³ Sitni Zenas le Apollos-te a khualzinna uh manlang takin a paisuak theih nadingun na hih theih bangin na huh inla, lamkal ah kisapna bangmah a neih khak loh nading uh zong na thei in.

Titu 3:13 Referans Kwoze

Sawltak 18:24

Alexandria khuami Apollos a kici Jew mi khat, Efesa khua-ah hong pai hi. Amah thugen siam mahmah a, Lai Siangtho zong a thei mahmah khat ahi hi.

Mattiu 22:35

Amaute sung panin Thukham hilh siate khat in Jesuh a thangsiahna-in thu hong dong a,

Sawltak 28:10

Amaute in na tampi tak hong pia uh a, teembaw tungah ka tuankik uh ciangin lamkal a zat ding a kisam khempeuh hong puak uh hi.

1 KORIN MASA 16:11

Kuamah in na simmawhbawl kha kei unla, kei kiang a hong tunkik theih nadingin nuamtakin a khualzin a hong zoptheih nadingin na huh un. Thu uppih i sanggam dangte tawh kei kiangah a hong pai dingin ka lamet ahi hi.

ROM (Romans) 15:24

tu-in note tawh kimu theita dingin ka kilamen hi. Spain gam ka paikawmin note kiang ka hong nawk nuam a, note tawh tawlkhat i kikholh khit ciangin Spain gam ka paina dingah nong huh ding uh ka ut hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khuanawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Luka 14:3

Jesuh in zong Thukham hilh siate le Farisi mite kiangah, “Sabbath ni-in cina damsak ding i Thukham in hong hiam, khak hiam?” ci-in a dong hi.

Luka 11:52

No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

Luka 11:45

Tua ciangin Thukham hilh siate khat in Jesuh kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Luka 10:25

Jesuh a ze-et dingin Thukham hilh siate khat hong ding a, “Sia aw, nuntak tawntungna ka ngahtheih nadingin bang sem ding ka hi hiam?” ci-in a dong hi.

Luka 7:30

Ahi zongin Farisi mite le Thukham hilh siate in Pasian’ deihna nialin Johan khut sungah tui kiphum ding ut lo uh hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 19:1

Korin khua-ah Apollos a om laitakin Paul khual hong zinin Efesa khua hong tung hi. Tua khua-ah thu um mi pawlkhat tawh kimu a,

1 KORIN MASA 16:12

I sanggam Apollos ahihleh, thu uppih sanggam dangte tawh no kiangah hong hawh nadingin ka hanthot zel hangin tu tadihin hong hawhpah ding lungtungzo nai lo hi. Ahi zongin hunhoih a ngah peuhpeuh ciangin hong pai ding hi.