Titu 2:5 - Tedim Bible

⁵ thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen in.

Tedim Bible Revision 2017

⁵ thu ngaihsun thei, a gamtat siangtho, inn nasep a kizen, a migi le a pasalte uh thu a mang thei mi ahih nadingun na gen in.

Titu 2:5 Referans Kwoze

Kolose 3:18

Zite aw, Khristiante gamtat dingin a kilawm ahih mah bangin na pasalte uh thu na mang un.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Piancilna 3:16

Tua ciangin numei kiangah, “Naupaiina-ah na gimna nakpitakin ka khangsak ding a, na a sapipi-in nau na nei ding hi. Ahi zongin na pasal mah na deih ding a, amah in nang tungah hong uk ding hi,” a ci hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

1 TIMOTI MASA 6:1

Kuamah in Pasian’ min le i thuhilhnate hong gensiatsak lohna dingin sila khempeuh in a tote uh zahtakbawl ta uh hen.

Paunak 7:11

Tua numei pen maizumna mel thei loin a hang mahmah hi a, lamdung tengah vak tawntung hi.

1 KORIN MASA 14:34

mihon biak kikhopna sungah numeite pau loin om uh hen. Numeite a kiniamkhiat nading thu Jew Thukham in a gen mah bangin amaute in mihon lakah thu a gen ding uh kiphal lo hi.

1 KORIN MASA 11:3

Ahi zongin na theih ding uh ka deih thu in: Mi khempeuh’ lutang pen Khrih hi a, numei’ lutang pen pasal hi a, Khrih’ lutang pen Pasian ahihna thu ahi hi.

ROM (Romans) 2:24

Tua ahih manin Lai Siangtho sungah, “No Jew mite’ hangin Gentail mite lakah Pasian kigensia hi,” ci-in kigelh hi.

Sawltak 9:39

Peter zong kithawi-in a samte tawh paikhawm pah a, tua khua a tun ciangin inndei tungnungah a na paipihto pah uh hi. Tua lai-ah a na om meigong numei khempeuh in Peter na umcih uh a, Dorkas a hin lai-in amaute a dingin a bawlsak puanakte le puantungsilhte, a kahkawmun Peter kiangah a lak uh hi.

Late 74:10

Pasian aw, ka galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

2 SAMUEL NIHNA 12:14

Ahi zongin, hih bangin gamtatna tawh Topa thusim peuhmah lo na hih manin nang’ sung panin a hong piang naungek si ding hi,” a ci hi.

Piancilna 18:9

Amaute in ama kiangah, “Na zi Sarah koi-ah om ahi hiam?” a ci uh hi. Amah in, “Puanbuk sungah om hi,” a ci hi.

ROM (Romans) 14:16

Tua ciangin note in hoih na sak uh thute, midangte in a sia-in a genkhak loh theih nadingun na gamta un.

Titu 2:4

amaute sangin a nauzaw nupite in a pasalte uh le a tate uh a it nadingun a hilh ding,