Titu 2:2 - Tedim Bible

² Pasal khanghamte a kilawm a kituakin a omtheih nading, thu ngaihsun thei mi ahih nading, a kikemzo mite ahih theih nading, upna man a neihtheih nading, itna man a neihtheih nading uh le a manin lungkipin a thuakzawh nadingun na gen in.

Tedim Bible Revision 2017

² Pasal khanghamte a kilawm a kituakin a om theih nading, thu ngaihsun thei mi ahih nading, a kikem zo mite ahih theih nading, upna man a neih theih nading, itna man a neih theih nading uh le a manin lungkipin a thuak zawh nadingun na gen in.

Titu 2:2 Referans Kwoze

Galati 5:23

dikna le pumpi ki-ukzawhna hi a, hih bangin a gamta mite, Thukham in bangmah cih thei lo hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuhah a thuman mi hi ding uh hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Titu 1:13

Hih ama thugen a man mahmah ahi hi. Tua ahih manin thu upna man nei thei-in,

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

Paunak 16:31

A teekte’ sam kang minthanna lukhu hi a, thumanin nuntakna tawh a ngah ahi hi.

1 THESALONIKA MASA 5:8

Ahi zongin eite pen khuavak gamtatna a nei sun khuavak mi ihih manin pilvang ni. Awmdal bangin upna le itna bulhin, siklukhu bangin i lamet hotkhiatna khu ni.

ROM (Romans) 12:3

Pasian in kei tungah hehpihna hong piakkhongna hangin note tungah kong gennop thu in: Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.

JOB (Job) 12:12

“Khanghamte in pilna nei a, nuntak saute in thu theitel uh hi.

Siampi Laibu 19:32

“Note, sam kangte’ mai-ah na kun ding uh a, puteekte’ maitang zahtakin, na Pasian uh na kihta ding uh hi; kei pen Topa ka hi hi.

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawlkhat in Pasian thei het lo na hih manun maizumhuai mahmah hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

2 PETER NIHNA 1:6

na thutheihna uh pumpi ki-ukzawhna tawh na behlap unla, na pumpi ki-ukzawhna uh thuakzawhna tawh na behlap un; na thuakzawhna uh Pasian’ deih bangin gamtatna tawh na behlap unla,

Titu 2:7

Nangma pumpi mahmah gamtat hoihna a kipan thu khempeuhah etteh hoih dingin na om in. Lungsim takpi tawh mite’ zahtaktheih dingin thu na hilh inla,

Titu 1:8

zinleleeng do a siam mi, thuhoih a deih mi, a pumpi a ki-ukzo mi, a thutang mi, a siangtho mi, le a kisekzo mi hi ding uh hi.

1 TIMOTI MASA 3:4

A innkuan sung hoihtakin a ukzo mi, a tate thumangsak thei-in, na khempeuhah a kilawm a kituakin a gamtasak thei mi hi ding uh hi.

1 TIMOTI MASA 1:5

Hih bangin thupiakna pen, upna taktak le kisuanna om hetloin lungsim siangtho taktak tawh ngaihsutna panin a hong piangkhia ki-itna a khantheih nading deihna ahi hi.

1 THESALONIKA MASA 5:6

Tua ahih ciangin midangte bangin eite mawk om hithiat loin khua phawkin pilvang ni.

Filippi 4:8

Sanggamte aw, a tawpna-ah ka hong gennop thu in, a hoih le a phattaak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai, le a pahtakhuai thute ahi hi.

2 KORIN NIHNA 5:13

Mihai ka hih uhleh zong Pasian’ minthan nading hi a, mipil ka hih uhleh zong note’ phattuam nading mah hi veve hi.

1 KORIN MASA 9:25

Kimawlna sungah a kihel mi khempeuh in thu khempeuhah a pumpi uh uk ciat uh hi. Amaute pen a kisiathei pak a ngah nadingun a hanciam uh hi a, eite pen a kisia thei lo i ngah nadingin a hanciam ihi hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Luka 8:35

Hih thupiang a en dingin mite hong pai uh a, Jesuh kiang a tun uh ciangin dawi a paikhiatna mipa Jesuh kiangah omin, puan silhin, a pilkikna thu a muh uh ciangin a vekpi-un lamdangsa-in a lau uh hi.

Marka 5:15

Jesuh kiang a tun uh ciangin dawi tampi a vei ngei mipa zong a mu uh hi. Tua mipa hoihtakin om a, a lungsim pilin, puan silhin a om a muh uh ciangin lamdangsa-in lau mahmah uh hi.

Isaiah 65:20

Naupangte a ngeksih om lo ding a, sauveipipi kinungta ding hi. Kum za bek a nungtate a khansihin kingaihsun ding a, kum za cing loin a site, keima gimpiakna lim hi ding hi.

1 TIMOTI MASA 3:8

Pawlpi upa dingte zong a gamtat hoih, a lungsim citak, leenggahzu tam a ne lo, sum thu-ah a huaiham mi hi lo ding uh hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

1 TIMOTI MASA 1:10

nulepa mawhna a gamtate, palepa mawhna a bawlte, mi a gute, zuauthu a gente, mite’ siat nading thu a gente, le thuman tawh a kilehbulhin a gamta mite a dingin thukham a kibawl ahi hi.

1 TIMOTI MASA 1:14

Pasian in genzawh lohin kei hong hehpih a, Khrih Jesuh tawh kipawlna hangin i ngahtheih upna le itna a hong guan hi.

1 TIMOTI MASA 5:1

Nang sangin a uzaw mite taiibawl kei inla, na pa bangin ngaihsunin hanthawn in. Nang sangin a nauzawte na nau bangin bawl in.

Filemon 1:9

Hih bangin ka hong genna pen itna i neihna hang ahi hi. Tu lai takin Khrih taangmi ahi keimah Paul zong, Khrih Jesuh hangin thongkia-in a om ka hi hi.