Titu 1:10 - Tedim Bible

¹⁰ Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun-at nading thu a gen tampi tak a om uh hi.

Tedim Bible Revision 2017

¹⁰ Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun at nading thu a gen tampi tak a om uh hi.

Titu 1:10 Referans Kwoze

1 TIMOTI MASA 1:6

Mi pawlkhatte, hih bang ngaihsutna panin peukhia-in bangmahin a kimang lo thu kikupna tawh nitum uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Efesa 4:14

Tuahun ciangin thu upna lamah naupang ihi nawn kei ding a, mite khemin a khialsak theite’ mutna hangin i suk hoi i to hoi nawn kei ding a,

Jeim 1:26

Mi khatpeuh in Khristian ka hi hi, ci napi-in kampau a kidopzawh kei leh amahmah a kikhemtawm hi lel a, ama biakna neih a mawkna ahi hi.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

Sawltak 11:2

Tua ahih manin Jerusalem khua-ah Peter a pai ciangin Gentail mite zong vun a ki-at ding uh ahi hi, ci-in a ngaihsun mite in Peter mawhsak uh a,

Mangmuhna 2:14

Ahi zongin note ka hong mawhsak nading thu tawmkhat a om hi. Milim biakna ante nesakin, nulepa paktatna piangsak a, Israel mite mawhna a gamtasak Balak tungah thu a hilh Balaam’ thuhilhnate a um mi pawlkhat note lakah a om hi.

Mangmuhna 2:6

Ahi zongin note ka hong pahtakna khat om a, tua in: Keima muhdah mah bangin Nikolas pawlte na mudah uh hi.

1 JOHAN MASA 2:18

Tate aw, tu-in huntawpna hong naita hi. Khrih’ Gal hong pai ding hi, ci-in na zaksa uh mah bangin tu-in Khrih’ gal tampi tak hong tung khinta hi. Tua ahih ciangin bei nading nai taktakta hi, ci-in i thei hi.

2 TIMOTI NIHNA 4:4

Amaute in thuman thutak ngainuam nawn loin tangthu phuahtawm peuh ngaihsutpi-in nei ding uh hi.

1 TIMOTI MASA 1:4

Phuahtawm tangthute le min tampipi kizom deudau-a khangsimnate in upna tawh i ngahtheih Pasian’ vaihawmnate tangtungsak loin, khatlekhat kitotna piangsak lel ahih manin, tua bang thute a manlahpih loh nadingun na gen in.

Galati 3:1

Galati mihaite aw, singlamteh tungah Jesuh Khrih a sihna thu teltakin na theihsa uh ahih manin kua’ khemsa-in hici thei mawk na hi uh hiam?

Sawltak 20:29

Kei ka om nawn loh ciangin, sa gilote in gannote a phialgawp bangin, mi pawlkhat in thu um mite hong phialgawp ding lamtak ka thei hi.

Sawltak 15:1

Judea gam panin Antiok khua-ah mi pawlkhat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uhleh hotkhiatna na ngah kei ding uh hi,” ci-in thu hilh ding hong kipan uh hi.

Sawltak 15:24

Kote’ hong sawl lohpi-in ko kiang panin mi pawlkhat hong pai-in a thugenna uh tawh note hong buaisakin hong lung-amsak hi, ci-in ka za uh hi.

1 TIMOTI MASA 1:9

Ahi zongin i phawk dingah, mi hoihte a dingin thukham a kibawl hi lo a, thukham zui lote, thumang lote, Pasian’ deih bangin a gamta lote le mawhneite, biakna lungsim a nei lote le kam kilawm lo a paute, nute pate a thatte, midang a thatte,

Titu 1:6

Upate pen paubaanna a om lote hi ding a, zi khat bek nei-in, a tate zong thu um mi hi-in, a thumang lo, a phengtat gawpte hi lo ding uh hi.

1 JOHAN MASA 2:4

Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutak lo mi ahi hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.