Thukhente 7:2 - Tedim Bible

² Topa in Gideon kiangah, “Amau’ khut sungah Midian mite piak nadingin nang tawh a omkhawm mite kei a dingin tamlua hi. Tua bangin tamlua leh kei tungah Israel-te kisialin, ‘Komau’ hatna hangin ka gualzo uh hi,’ ci kha ding uh hi.

Tedim Bible Revision 2017

² Topa in Gideon kiangah, “Amauʼ khut sungah Midian mite piak nadingin nang tawh a om khawm mite kei adingin tam lua hi. Tua bangin tam lua leh kei tungah Israel-te kisialin, ‘Komauʼ hatna hangin ka gualzo uh hi,’ ci kha ding uh hi.

Thukhente 7:2 Referans Kwoze

Thu-hilhkikna 8:17

Na lungsim uhah, ‘Ka vangliatna uh le ka thahatna un hih hauhna hong ngahsak hi,’ ci kha ding na hih manun kingaihsun un.

2 KORIN NIHNA 4:7

Ahi zongin vangliatna taktak Pasian a’ hi a, kote a’ hi lo hi, ci-in a kilat nadingin kha tawh kisai na manpha a nei kote pen na kikoihna leibeel tawh a kibang bek ka hi uh hi.

ROM (Romans) 11:18

Tua ahih manin oliv hiang a kisatkhia tawh a kibang Jew mite simmawhbawl kha kei un. Note na kiphatsak theih nading uh a thu om lo hi. Note pen a hiang tawh a kibang lel na hi uh a, note in a zungpi a hingsak hi loin, a zungpi in note a hong hingsak ahi zaw hi.

Efesa 2:9

Note’ hanciamna tawh a ngah hi lo na hih manun na kisialh nading uh a thu om lo hi.

Zekhariah 12:7

“Tua ciangin Judah galkapte tungah gualzawhna ka pia masa ding a, David’ suanlekhakte le Jerusalem khuamite’ minthanna pen Judah midangte’ minthanna sangin lianzaw tuan lo ding hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tunzo ding hi.

Ezekiel 28:17

Na melhoihna na kisaktheihpih kha a, na minthanna in nang hong haitatsak hi. Leilak ka hong denna a, kumpi dangte hilhkholhna-in nang ka hong koih hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite a dingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

Thu-hilhkikna 32:27

Amau’ langte in ngaihsun khialin, amaute in, “Eite i gualzo hi. Topa in hihte khempeuh bawl lo hi,” hong ci kha ding uh ahih manin galte’ hong phin ding ka lau hi,’ a ci hi.

ROM (Romans) 3:27

Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in biakpiakna zong a pia uh hi.

Daniel 4:30

Babylon khua bangzah takin lian ahi hiam? Kumpi khuapi ding le, ka vangliatna ka thahatna a kilat nadingin ka lam ahi hi, a ci hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gennop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Jeremiah 9:23

Tua ciangin Topa in, “Mipilte in a pilna uh kisaktheihpih kei uh hen la, mi hatte in a hatna uh kisaktheihpih kei uh hen. Mihaute in zong a hauhna uh kisaktheihpih kei uh hen.

Isaiah 10:13

Bang hang hiam cih leh amah in, “Keimah in thu theihtelna nei ka hih manin keima thahatna le keima pilna tawh ka hih khin hi. Mihingte’ gamgite lakhia-in amau’ sumte ka sut khin a, keimah in bawngtal bangin a gammite ka sugawp hi.

2 KHANG TANGTHU NIHNATE 14:11

Tua ciangin Topa Pasian’ tungah Asa kiko a, “Topa aw, a thahat le a zawngkhal a kidona-ah a huh dingin nang tawh a kibang kuamah dang om lo hi. Kote hong huh in, Topa kote’ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, kote’ Pasian na hi hi; mite kizosak kei in,” a ci hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoihsuk ding hi. Tua ni ciangin Topa bek a lianin kikoih ding hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Thu-hilhkikna 8:18

Tuni-a mah bangin na pu na pate uh tungah a kiciamna a kipsak theih nadingin, na hauh nadingun vangliatna a hong piapa amah ahih manin Topa na Pasian uh na phawk ding uh hi.

Piancilna 46:2

Pasian in Israel tungah zanin thu gen a, “Jakob, Jakob,” ci hi. Amah in, “Hiah om ing,” ci hi.

Gamlak-vakna 31:4

Israel minamte nam khat panin mi tulkhat ciat gal sungah na kuansak ding uh hi,” a ci hi.