Thukhente 3:2 - Tedim Bible

² Tua khang Israel mite in galdona a theih nading, nidangin galdona a thei ngei lo tua bang mite a hilh theih nading bek ahi hi.

Tedim Bible Revision 2017

² Tua khang Israel mite in galdona a theih nading, nidangin galdona a thei ngei lo tua bang mite a hilh theih nading bek ahi hi.

Thukhente 3:2 Referans Kwoze

2 TIMOTI NIHNA 4:7

Kidemna-ah ka hat tawpin ka hih khin a, a mong dongin ka tai khin a, upna thu khotakin lenin ka zokhin hi.

2 TIMOTI NIHNA 2:3

Khrih Jesuh’ galkap hoih hihna tawh thuak dingin a kisam khempeuh na na thuak in.

1 TIMOTI MASA 6:12

Upna thu-ah hoihtakin nawksuak inla, mi tampi’ zakin na pulaksa, Pasian in nangmah a hong piak nuntak tawntungna lenkip in.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

2 KHANG TANGTHU NIHNATE 12:8

Ahi zongin amaute in keima nasepna le leitung kumpite’ nasepna a kilamdanna a theih nadingun amaute pen Shishak’ nasemte suak ding uh hi,” a ci hi.

Piancilna 3:7

A nek khit phetun amau tegel in khua phawk uh a, a guaktangin a omlam uh kithei uh hi. Amaute in theitehte khui tuahin puansilh dingin a bawl uh hi.

Piancilna 3:5

Bang hang hiam cih leh tua singgah na nek ciangun na mitte uh hong vak ding a, a pha le a sia thei-in, Pasian tawh na kibat ding lamtak uh Pasian in thei hi,” a ci hi.

Piancilna 2:17

Ahih hangin a pha le a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi.

Thukhente 3:1

Tu-in Israel-te sung panin Kanaan gam sungah galdona a theikha nai lo Israel-te ze-et nadingin Topa in minam pawlkhat a siit hi.

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite, le Baalhermon Mual panin Hamath lutna ciang dong Lebanon Mual tungah a teng Hiv mite ahi hi.