Thukhente 3:1 - Tedim Bible

¹ Tu-in Israel-te sung panin Kanaan gam sungah galdona a theikha nai lo Israel-te ze-et nadingin Topa in minam pawlkhat a siit hi.

Tedim Bible Revision 2017

¹ Tu-in Israel-te sung panin Kanaan gam sungah galdona a thei kha nai lo Israel-te ze-et nadingin Topa in minam pawl khat a siit hi.

Thukhente 3:1 Referans Kwoze

Paunak 17:3

Kham le ngunte mei sungah kize-et a, mihingte’ lungsim Topa in ze-et hi.

Thu-hilhkikna 7:22

Topa na Pasian un note’ mai-ah hih minamte tawm tawmin siang khiasak ding hi. Note a dingin gamsate hong tam khanlua kha ding ahih manin thakhatthu-in amaute na beisak kei ding uh hi.

Jeremiah 6:27

Jeremiah aw, ka mite a ze-et dingin nang kong koih hi. Ze-et inla, a om dan uh thei in.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

Thukhente 2:10

Tua ciangin tua khangmite khempeuh zong si khin uh a, amaute’ khit ciangin Topa hitaleh, Israel-te a dingin a septe hitaleh a thei lo khangthak hong piang uh hi.

Thu-hilhkikna 8:16

a tawpna-ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uhah bang om hiam cih a theih nadingin Topa na Pasian un sehnel gamah hih kum sawmli sung note hong paipihna lampi khempeuh na ciamteh ding uh hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

1 PETER MASA 4:12

Ka itte aw, note’ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

Johan 2:24

Ahi zongin Jesuh in mi khempeuh limtakin theitel ahih manin amaute muang lo hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

2 KHANG TANGTHU NIHNATE 32:31

Tua ahih ciangin gam sung omzia lim a kan dingin ama kiangah a kisawl Babylon uliante’ kamtaite tawh kisai-in, amah a ze-etna ding le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

Paikhiatna 15:25

Topa’ tungah amah kiko hi. Topa in singkung khat amah lak a, amah in tui sungah tua sing lawn a, tui lim hong suak pah hi. Topa in tua lai munah amaute a dingin thukham khat le ngeina kip khat bawl a, tua lai munah amah in amaute’ tungah laktel a,

Thukhente 1:1

Joshua a sih khit ciangin Israel mite in Topa tungah thu dong uh a, “Kanaan mite a sim dingin kua kuanto masa ding ka hi uh hiam?” a ci uh hi.

Thukhente 2:23

Tua ahih ciangin Topa in tua minamte thakhatin hawlkhia loin koihcing a, Joshua’ khut sungah amaute pia lo hi.

Thukhente 3:2

Tua khang Israel mite in galdona a theih nading, nidangin galdona a thei ngei lo tua bang mite a hilh theih nading bek ahi hi.

1 KUMPI MASATE 9:21

Israel mite in a suksiat khit siang zawh loh, tua gamah amau’ nunga a omlai a suanlekhakte uh, Solomon in aana tawh na a sem salin bawl ahih ciangin tuni dongin tua bangmahin amaute om uh hi.