Thukhente 2:2 - Tedim Bible

² hih gam a teng mite tawh thuciamna na bawl kei ding uh hi. Amau’ biakna taute na susia ding uh hi,’ ka hong ci hi. Ahih hangin note in ka thupiakna na mang kei uh hi. Bang hangin lehgamtat na hi uh hiam?

Tedim Bible Revision 2017

² hih gam a teeng mite tawh thuciamna na bawl kei ding uh hi. Amauʼ biakna taute na susia ding uh hi,’ ka hong ci hi. Ahih hangin note in ka thupiakna na mang kei uh hi. Bang hangin leh gamtat na hi uh hiam?

Thukhente 2:2 Referans Kwoze

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Jeremiah 2:5

Topa in hih bangin ci hi: “Na pute na pate uh kei kiang panin gamlapi-ah paikhia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Jeremiah 2:18

Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Thukhente 2:20

Tua ahih ciangin Israel-te tungah Topa heh mahmah a, amah in, “Hih mite in amau’ pulepate’ tungah ka thupiak ka thuciamna khialin keima thu ngai lo uh ahih manin,

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note a dingin thangzak hi ding ahih manin amau’ pasian-te zong na bia kei ding uh hi.

Paikhiatna 32:21

Moses in Aaron kiangah, “Amaute’ tungah khialhna lianpi khat na tunpih nadingin hih mite in nang’ tungah bang hong gen uh ahi hiam?” a ci hi.

Piancilna 4:10

Topa in, “Bang hangin hici gamtat na hi hiam? Na sanggampa’ sisan, leilak panin kei tungah hong kiko hi.

1 PETER MASA 4:17

Tu-in thukhen kipat hun ding hong tungta-in Pasian’ mi eite tungah hong kipan ahihleh Pasian kiang panin hong pai Lungdamna Thu a um lo mite a dingin bangzahin lungkhamhuai ding ahi hiam?

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Thukhente 6:8

Topa in Israel mite kiangah kamsang khat a sawl hi. Amah in amaute kiangah, “Israel-te’ Pasian, Topa in hih bangin ci hi: Salsuahna Egypt panin note kong paikhiatpih hi.

Piancilna 12:18

Tua ahih ciangin Faro in Abram samin, “Bang hangin hih bangin kei hong bawl na hi hiam? Amah na zi ahihna bang hangin kei kiangah hong gen lo na hi hiam?

Joshua 9:7

Ahih hangin Israel mite in tua Hiv mite kiangah, “Kote’ mai-ah a teng mite na hi khathei ding uh hi. Tua hileh note tawh thuciamna hong bangci bawltheih ding ka hi uh hiam?” a ci uh hi.

Thukhente 6:10

Tua ciangin note kiangah, ‘Kei pen Topa na Pasian uh ka hi hi. Na tenna uh Amor mite’ pasian-te zahtakna na pia kei ding uh hi,’ kong ci hi. Ahih hangin note in ka thu na ngai kei uh hi, ci hi,” a ci hi.

Thukhente 8:27

Tua ciangin Gideon in tuate mi limin bawlin ama khuapi Ofrah khua-ah a koih hi. Israel-te khempeuh in tua lai munah tua milim bia uh a, Gideon le a innkuanpihte a dingin thangzak khat a suak hi.